MILLION 300, ZINAVYOBORESHA HUDUMA ZA AFYA KITUO CHA AFYA GUNGU health sector

Posted on: May 31st, 2022

Na Mwandishi Wetu

Serikali ya Awamu ya Sita chini ya Rais Mhe. Samia Suluhu Hassan imeendelea na utekelezaji wa uboreshaji wa huduma na Miundombinu ya afya katika maeneo mbalimbali Nchini Tanzania

Manispaa ya Kigoma/Ujiji ni miongoni mwa Halmashauri inayonufaika na uboreshaji wa miundombinu kwa lengo la kusogeza Huduma za afya Karibu na Wananchi  

Fedha za Kitanzania Shilingi Million mia tatu ( Tsh 300,000,000/=)  zilizopokelewa kutoka Serikali Kuu kwa lengo la ujenzi wa miundombinu katika Kituo cha afya cha Gungu

Miundombinu inayoendelea kujengwa ni jengo la kuwahudumia Wagonjwa wa Nje (OPD), Ujenzi wa Maabara, Ujenzi wa Jengo la kufulia Nguo za Wagonjwa na Ujenzi wa kichomea taka

Kukamilika kwa ujenzi wa miundombinu hiyo kutawanufaisha Wakazi wa Kata ya Gungu  na  Kata jirani kwa kuhakikisha wanapata huduma bora na kuboreshwa kwa mazingira ya   Watumishi katika utendaji kazi

Aidha Ujenzi wa Mradi huo umetoa ajira zaidi  ya sabini (70) katika kazi mbalimbali zinazoendelea kutekelezwa kama vile fundi ujenzi, kuchanganya zege, ubebaji zege na tofali na wajasiriamali wanaopika vyakula jirani na eneo hilo

(Picha ni ziara ya Kamati ya Ulinzi na Usalama ya Wilaya ya Kigoma ikiongozwa na Mkuu wa Wilaya hiyo Bi. Ester Alexander Mahawe May 26, 2022 ilipotembelea Mradi huo)

#mamayupokazini #kaziiendelee #sensa2012 #jiandaekuhesabiwa