"MJITOKEZE KUJIANDIKISHA ILI KUCHAGUA VIONGOZI WALIO BORA" Election"

Posted on: October 8th, 2024

Na Mwandishi Wetu

Afisa Uchaguzi ambaye pia ni Msimamizi msaidizi wa Uchaguzi wa Serikali za Mitaa Manispaa ya Kigoma/Ujiji Ndugu. Issa Mrisho Bukuku amewataka Wakazi Wa Manispaa hiyo kujitokeza kwa wingi Kujiandikisha katika daftari la Wapiga Kura katika uchaguzi wa Serikali za Mitaa kwa lengo la kushiriki Uchaguzi ili kupata viongozi bora.

Ameyasema hayo Leo Oktoba 08, 2024 katika kipindi cha #Kijiweni kinachorushwa na Mainfm radio kila Siku kuanzia Saa kumi (10:00)  hadi kumi na mbili (12:00) jioni.

Amesema Msimamizi wa Uchaguzi wa Serikali za Mitaa tayari ameshapokea vifaa ikiwemo daftari za kujiorodhesha na kujiandikisha kwa Wananchi kwa kila Mtaa.

Aidha amewataka Wananchi kujitokeza katika Vituo vilivyopangwa katika Mitaa yao kuanzia Octoba 11-20, 2024 ambapo vituo vitafunguliwa kuanzia Saa mbili kamili Asubuhi na kuungwa Saa kumi na mbili jioni.

Amesema Kujiandikisha huko kutampa mkazi wa Mtaa husika mwenye sifa ya kupiga kura kufanya maamuzi ya kuchagua kiongozi bora katika uchaguzi wa Serikali za Mitaa utafakaofanyika Novemba 27, 2024.

Zaidi bofya www.kigomaujijimc.go.tz