MKATABA WA UJENZI WA JENGO LA UTAWALA KIGOMA UJIJI WASAINIWA.

Posted on: March 7th, 2025

Na Mwandishi Wetu

Halmashauri ya Manispaa ya Kigoma/Ujiji imesaini mkataba wa  ujenzi wa  jengo la Utawala na Kampuni ya ujenzi ya Gopa Contractors Tanzania Limited kwa gharama ya fedha za Kitanzania zaidi ya Billion mbili (Tsh  2,486,056,280/=).

Mkataba huo umesainiwa kati ya uongozi wa kampuni ya ujenzi na Viongozi wa Halmashauri Meya wa Manispaa ya Kigoma Ujiji Mhe. Baraka Naibuha Lupoli na Mkurugenzi wa Manispaa Ndugu. Kisena Mabuba utiaji saini huo ukishuhudiwa na Mbunge wa Jimbo la Kigoma Mjini Mhe. Kilumbe Shabani Ngenda.

Mradi huu unatekelezwa  kwa fedha kutoka Serikali Kuu ambapo hadi sasa Halmashauri imeshapokea kiasi cha fedha za Kitanzania Billion moja (Tsh Billion 1/=) na Ujenzi utafanyika kwa mda wa miaka mitatu (03) sawa na miezi 36 kuanzia tarehe ya Mkataba hadi Mwaka 2028  ambapo ujenzi utakuwa umekamilika.

Zaidi bofya www.kigomaujijimc.go.tz