MKURUGENZI ELIMU TAMISEMI AKAGUA MIRADI YA ELIMU KIGOMA/UJIJI Project

Posted on: July 27th, 2023

Na Mwandishi Wetu 

Mkurugenzi wa Usimamizi wa Elimu  OR-TAMISEMI Ndugu. Vicent Kayombo Leo Julai 27, 2023 amefanya ziara ya kutembelea na kukagua miradi ya elimu inayotekelezwa Manispaa ya Kigoma/Ujiji

Katika ziara hiyo Mkurugenzi huyo ameridhishwa namna miradi inavyotekelezwa huku akifanya vikao na Walimu katika Shule alizozitembelea na  akisitiza Suala la Ufundishaji wenye matokeo mazuri ya ufaulu  

Katika ziara hiyo ametembelea Shule ya Sekondari Kigoma yenye  Ujenzi wa Mabweni mawili (02),  Madarasa nane (08), na Ujenzi wa matundu nane (08) ya vyoo kwa gharama ya Tsh 419, 000, 000/= fedha kutoka Serikali kuu

Mradi Mingine aliyotembelewa ni pamoja na Ujenzi wa madarasa manne (04), Ujenzi wa darasa moja (01) la Wanafunzi wenye Mahitaji maalumu na ujenzi wa Matundu matatu (03) ya vyoo  Shule ya Msingi Katubuka kwa gharama ya Tsh 136, 600, 000/=, ujenzi wa madarasa manne (04) na Ujenzi wa matundu manne (04) ya vyoo Shule ya Msingi Kabingo kwa gharama ya Tsh 112, 800, 000/= kupitia mradi wa BOOST

Mkurugenzi wa Manispaa ya Kigoma/Ujiji Bi. Mwantum Mgonja amempongeza  Mkurugenzi wa Elimu -TAMISEMI kwa namna ambavyo  ametembelea Shule hizo na Kutoa ushauri wa Kitaaluma huku akiahidi kuendelea kusimamia

Zaidi bofya www.kigomaujijimc.go.tz