MKURUGENZI KIGOMA UJIJI AKABIDHI BIMA ZA AFYA KWA WANAFUNZI WENYE MAHITAJI MAALUMU. Special needs

Posted on: July 30th, 2024

Na Mwandishi Wetu

Mkurugenzi wa Manispaa ya Kigoma/Ujiji Ndugu. Kisena Mabuba kwa kushirikiana na Taasisi ya Usilie tena,  Na Mwalimu maarufu katika ufundishaji Yusuph Hamis amegawa bima za Afya na viti mwendo kwa Wanafunzi wenye Mahitaji Maalumu.  

Bima ishirini na moja (21) na viti mwendo viwili (02) vimegawiwa Leo July 30, 2024 katika viwanja vya Ofisi kuu ya Mkurugenzi huyo huku zaidi ya Wanafunzi Mia moja na moja (101) wakiendelea na zoezi la picha ili kukamilishiwa na kukabidhiwa bima za afya.

Akizungumza katika tukio hilo Mkurugenzi wa Manispaa ya Kigoma Ujiji ameitaka jamii kutowaficha watoto wenye ulemavu na kuhakikisha walemavu wanapata elimu, Mafunzo ya stadi za  maisha na elimu ya kujitambua.

Aidha amempongeza Mwalimu Yusuph Hamis kwa namna ambavyo amekuwa akipambania makundi ya Wanafunzi  wenye mahitaji Maalumu kwa kushirikiana na Wadau wengine wa elimu.

Awali akiwasilisha taarifa Afisa elimu Maalumu Elimu Msingi Ndugu. Ezekiel Mpanda amesema Manispaa ya Kigoma/Ujiji ina Wanafunzi wenye mahitaji Maalumu mia Sita thelathini na moja (631) kwa Shule za Msingi.  

Zaidi bofya www.kigomaujijimc.go.tz