MKURUGENZI KIGOMA/UJIJI ATEMBELEA MIRADI YA MWENGE National Touch

Posted on: June 27th, 2023

Na Mwandishi Wetu

Mkurugenzi wa Manispaa ya Kigoma/Ujiji Bi. Mwantum Mgonja Leo June 27, 2023 amefanya ziara katika miradi inayotarajiwa kutembelewa, kuzinduliwa na kuwekewa jiwe la Msingi na Mwenge wa Uhuru Mwaka huu 2023.

Amefanya ziara hiyo akiambatana na Wakuu wa idara na Vitengo katika Kata na Mitaa itakayopitiwa na Mbio za Mwenge wa Uhuru

Kiongozi huyo ametembelea miradi iliyotekelezwa na inayotekezwa kwa Mapato ya ndani ikiwemo Ujenzi wa Ofisi ya Kata ya Buhanda, Katubuka, na Ujenzi wa Zahanati Kata ya Machinjioni huku akitembelea pia Shamba darasa la Mboga mboga  Shule ya Sekondari Kigoma

Aidha Kiongozi huyo ametembelea miradi inayotekelezwa kwa fedha kutoka Serikali Kuu ikiwemo Ujenzi wa Madarasa Shule ya Msingi Katubuka kupitia mradi wa BOOST na Ujenzi wa tanki la maji lilipo Kamara Bangwe

Maeneo Mengine aliyotembelea  ni eneo la Mapokezi ya Mwenge Shule ya Sekondari Buronge  na eneo la Mkesha Mwanga Community Centre

Mwenge wa uhuru unatarajiwa kupokelewa Mkoani Kigoma Agusti 16, Mwaka huu na  kupokelewa Manispaa ya Kigoma/Ujiji  Augusti 22, na Kauli mbiu ya Mwaka huu  ni "Tunza mazingira, Okoa vyanzo vya maji kwa ustawi wa viumbe hai, na Uchumi wa Taifa"

Zaidi www.kigomaujijimc.go.tz