MKURUGENZI MWANTUM AHUTUBIA KAMATI YA URASIMISHAJI ARDHI KAGERA KUHUSU UMILIKI WA ARDHI BURE Land Project

Posted on: August 17th, 2023

Na Mwandishi Wetu

Mkurugenzi wa Manispaa ya Kigoma/Ujiji Bi. Mwantum Mgonja amewataka wakazi wa Manispaa hiyo wanaoishi katika Kata zinazotekeleza Mradi wa Uboreshaji Usalama wa Milki Ardhi (Land Tenure Improvement Project) kuchangamkia fursa za upatikanaji wa hati miliki za ardhi zinazotolewa bure

Ameyasema hayo Leo Augusti 17, 2023 alipokuwa akihutubia Kamati za Urasimishaji ardhi Kata ya Kagera za Mtaa wa Kanswa,  Kibwe na Mkese alipofanya ziara katika Kata hiyo kwa lengo la kufanya kikao na kamati hizo

Akihutubia Wajumbe wa  Kamati hizo ameishukuru Serikali ya Awamu ya Sita chini ya Rais Dr. Samia Suluhu Hassani  kwa namna ambavyo  imeleta fedha za utekelezaji wa mradi wa  Uboreshaji Usalama wa Milki Ardhi kwa Wakazi wa Manispaa ya Kigoma/Ujiji

Amezitaka Kamati za Urasimishaji ardhi katika Kata zote zinazotekeleza mradi  kuendelea kuwaelimisha Wananchi ili kujitokeza kushiriki   kurasimishiwa ardhi na upangaji mji  ili kuwa na  makazi Salama

Mjumbe wa Kamati ya Urasimishaji Ndugu. Yassin Hamsini amemhakikisha Mkurugenzi kuwa wataendelea kutoa elimu na kuhamasisha Wananchi kujitokeza katika upatikanaji wa hati miliki kutokana na kuongezeka kwa thamani ya ardhi na upatikanaji wa  fursa zingine

Wakazi wa Manispaa ya Kigoma/Ujiji  katika Kata za Kibirizi, kasingirima,  Kagera, Gungu, Businde, Rubuga, Majengo, Kitongoni na Kasimbu wanatarajia kunufaika na upataji wa hati miliki za ardhi zaidi ya elfu kumi (10,000)  bure  katika Mradi wa Uboreshaji Usalama wa Milki Ardhi (Land Tenure Improvement Project) ikiwa ni mradi unaofadhiliwa na Benki ya Dunia (WB)

Zaidi bofya www.kigomaujijimc.go.tz