MKURUGENZI WA MANISPAA YA KIGOMA/UJIJI ATEMBELEA WAJASIRIAMALI, WAKULIMA NA WAFUGAJI WA MANISPAA HIYO farmers festivals

Posted on: August 7th, 2022

Na Mwandishi Wetu

Mkurugenzi wa Manispaa ya Kigoma/Ujiji Ndugu. Athumani Msabila Mapema Leo Asubuhi August 7, 2022 ametembelea Maonesho  ya Wakulima na Wafugaji (Nane Nane) na kufika banda  la Manispaa hiyo katika Viwanja vya Nane Nane eneo la Ipuli Manispaa ya Tabora ikiwa ni maonesho ya Kanda ya Magharibi yanayohusisha Mkoa wa Tabora na Kigoma

Akiwa katika banda hilo amewapongeza Wajasiriamali waliojitokeza na kuthubutu kuleta bidhaa zao katika maonesho hayo kwa lengo la kutangaza Bidhaa zinazopatikana Manispaa ya Kigoma/Ujiji ikiwa ni pamoja na uuzaji wa bidhaa hizo

Katika Maonesho hayo Wajasiriamali wa Manispaa ya Kigoma/Ujiji wanaendelea na  kuonesha na kuuza Bidhaa kama vile Samaki wanaovuliwa Ziwa Tanganyika (Maarufu kwa jina la  Mgebuka), Dagaa, Uchakataji, Usindikaji na Ufungaji wa Mafuta ya   Mawese,  Sanaa za Uchongaji,  biashara ya Vitenge na Mashuka ya kufuma (Maarufu Mashuka ya Kigoma), Bidhaa za Viungo,  na Unga wa Mhogo

Aidha Teknolojia inayoonesha katika Banda la Manispaa ya kigoma/Ujiji ni pamoja na Teknolojia ya Uzalishaji wa Miche ya Michikichi ya Kisasa aina ya Tenera,  Teknolojia ya Ufugaji wa Samaki na Samaki wa Mapambo, Kilimo cha Nyanya na Mahindi    

Kauli Mbiu ya Mwaka huu kwa Sikukuu ya Wakulima na Wafugaji (Nane Nane) ni "  Agenda 10/30: Kilimo ni Biashara, Shiriki kuhesabiwa kwa mipango bora ya Kilimo, Mifugo na Uvuvi".

Karibu Banda la Manispaa ya Kigoma/Ujiji viwanja vya Nane Nane Ipuli Manispaa ya Tabora ujipatie bidhaa na kujifunza Teknolojia Mbalimbali.