MKUU WA WILAYA YA KIGOMA ASEMA "KAMILISHENI UJENZI WA VYUMBA VYA MADARASA KABLA YA DESEMBA 30, 2021” Distric

Posted on: December 16th, 2021

Na Mwandishi wetu

Mkuu wa Wilaya ya Kigoma Bi. Esther Alexander Mahawe jana Desemba 15, 2021 alifanya ziara ya kutembelea ujenzi wa  miundombinu ya elimu na afya  unaoendelea katika Tarafa ya Kalinzi Halmashauri ya Wilaya ya Kigoma huku akiwataka wasimamizi wa miradi hiyo kukamilisha kwa wakati  

Mkuu huyo wa wilaya aliwataka wasimamizi ngazi ya Halmashauri, Kata, na Shule  kukamilisha ujenzi huo kabla ya Desemba 30, mwaka huu   huku wakizingatia  thamani ya fedha kwa kila mradi unaotekelezwa

Aidha  Mkuu huyo wa wilaya alisema hadi sasa ujenzi huo unaendelea vizuri kwa  kuzingatia thamani ya miundombinu  na  itakabidhiwa kwa wakati na wanufaika kuitumia kama maelekezo yalivyotolewa kwa ngazi ya Taifa

Aliendelea kuwataka Wasimamizi hao kuzingatia mda uliowekwa huku akisema suala la usimamizi na ufatiliaji ataendelea kulifanya kila mara ili kuhakikisha miradi inakuwa katika viwango bora na kuwanufaisha wananchi wa maeneo hayo

Miradi aliyotembelea  ni pamoja na ujenzi wa vyumba vya madarasa na samani zake katika shule ya Sekondari Kalinzi  kwa fedha za Kitanzania Million sitini (Tsh 60,000,000/=),ujenzi wa vyumba vitatu (03) na ukamilishaji wa maabara moja Shule ya Sekondari  Mkabogo wenye jumla ya fedha za Kitanzania Million tisini (90,000,000/=)  ikiwa ni fedha za Maendeleo kwa Ustawi wa Taifa na Mapambano dhidi ya UVIKO-19  na ujenzi wa vyumba vya madarasa viwili (02) Shule ya Msingi Mshikamano kwa fedha za Kitanzania Million arobaini (Tsh 40,000,000/=) kutoka kwa mradi wa EP4R

Miradi ya idara ya Afya aliyoitembelea ni pamoja na ujenzi wa kituo cha afya kijiji cha Mlangala kwa fedha za kitanzania Million mia mbili hamsini (Tsh 250,000,000/=), ujenzi wa wodi ya wazazi na matundu matano (05) ya vyoo Zahanati ya Kijiji cha Kalinzi ikiwa ni fedha kutoka Serikali Kuu