MUHAS KUANZA KUJENGWA KIGOMA/UJIJI, MKATABA WASAINIWA Construction A

Posted on: November 21st, 2024

Na Mwandishi Wetu

Chuo Kikuu cha Afya na Sayansi Shirikishi Muhimbili (MUHAS) Leo Novemba 21, 2024 kimeingia mkataba wa miaka miwili na kampuni ya China Jiangxi International and Technology Co. LTD kwa ajili ya kuanza ujenzi wa chuo kikuu kampasi ya Kigoma.

Ujenzi huo unatarajia kufanyika eneo la Uwekezaji KISEZ  lililipo Manispaa ya Kigoma Ujiji.

Akihutubia mara baada ya Utiaji saini Mkuu wa Mkoa wa Kigoma Thobias Andengenye amesema kukamilika kwa ujenzi wa chuo kikuu hicho kutaleta chachu kwa Wanafunzi wanaosoma masomo ya Sayansi, Ukuaji wa kibiashara na uboreshaji wa huduma bora za matibabu kwa Wananchi.

Gharama za Ujenzi wa Chuo hicho ni fedha za Kitanzania zaidi ya Billion ishirini na sita (Tsh 26,088,071, 158.84/=) ambapo kukamilika kwake kwa Mwaka wa Kwanza  kitachukua Wanafunzi Mia tatu (300)  huku uwezo ni kuchukua Wanafunzi Elfu tano Mia Sita sabini na tatu (5673).

Zaidi bofya www.kigomaujijimc.go.tz