MWENGE WA UHURU WARIDHIA MIRADI YOTE KUMI NA MBILI KIGOMA/UJIJI National Tourch

Posted on: August 22nd, 2023

Na Mwandishi Wetu  

Mwenge wa Uhuru Manispaa ya Kigoma/Ujiji umepitia na kuridhia kwa kukagua, kuzindua na kuweka jiwe la Msingi katika miradi kumi na mbili (12) yenye  thamani ya fedha za Kitanzania zaidi ya Billion tatu ( Tsh 3,075, 506, 668.70/=)

Kiongozi wa Wakimbiza Mwenge Kitaifa Ndugu. Abdalla Shaib Kaim akizungumza mara baada ya kukamilika kwa miradi yote amesema wameridhishwa na miradi iliyokagualiwa, kutembelewa na kuzinduliwa

Mwenge wa Uhuru Umeweka jiwe la Msingi Ofisi ya Kata Buhanda, Jiwe la Msingi Zahanati ya Machinjioni, Kuzindua barabara ya Kiwango cha lami Meti, Uzinduzi wa Vyumba vya madarasa Shule ya Msingi Katubuka, Uzinduzi wa Ofisi ya Kata ya Katubuka,  Kukagua shughuli za kikundi cha Azanua Vijana Kazi,, kukagua shughuli za Lishe na kutembelea Shamba la bustani ya mbogamboga Shule ya Sekondari Kigoma, na kuweka Jiwe la Msingi Tenki la Maji Kamala  

Aidha Mwenge wa Uhuru Umekagua Shughuli za kupinga dawa za kulevya Shule ya Sekondari Kigoma, Kukagua Shughuli za klabu ya kupinga na kupambana na Maambukizi ya VVU/UKIMWI, na Kukagua shughuli za Kupinga Rushwa Shule ya Msingi Katubuka

Kauli mbiu ya Mwaka huu  ni "Tunza mazingira, Okoa vyanzo vya maji kwa ustawi wa viumbe hai, na Uchumi wa Taifa"

Kupata taarifa nyingi zaidi endelea kutembelea www.kigomaujijimc.go.tz