MWENYEKITI WA KAMATI YA UCHUMI,ELIMU NA AFYA MANISPAA YA KIGOMA /UJIJI MHE. HUSSEIN KALIANGO AIPONGEZA SERIKALI KWA JITIHANA NA ELIMU INAYOTOLEWA KUHUSU UGONJWA WA EBORA. congraturation

Posted on: October 2nd, 2019

Halmashauri ya manispaa ya Kigoma/Ujiji imetenga zahanati ya Bangwe ikiwa ni maandalizi ya kuwahudumia wagonjwa wa Ebola endapo watabainika kuwepo katika manispaa hiyo ikiwa ni tamko la wizara ya afya,  jinsia wazee na watoto .

Yamebainishwa leo octoba 1, kamati ya Uchumi,Elimu na Afya ilipokuwa katika ziara yake  ya siku mbili ya kutembelea miradi mbalimbali ikiwemo vituo vya afya na elimu(shule), akitoa taarifa hiyo Mganga Mkuu wa manispaa hiyo Dr.Siwale amesema tayari eneo hilo limetengwa kwa ajili ya shughuli ya kuwahudumia wagonjwa wa Ebola endapo watabainika kuwepo katika manispaa hiyo.

Ameendelea kusema hadi sasa hakuna mgonjwa ambaye amegunduliwa kuwa na dalili za ugonjwa wa Ebola katika manispaa hiyo na tayari wataalamu afya wameshapatiwa elimu na vifaa ni namna gani wanaweza kuwahudumia wagonjwa .

Ameendelea kusema hadi sasa wataalamu watano (5) kutoka wizara ya afya, jinsia, wazee na watoto wapo katika manispaa hiyo kwa ajili ya kutoa elimu kwa wataalamu wa afya, na na kwa wananchi, ambapo amesema wananchi wanaendelea kupata elimu katika mikutano ya hadhala anayoifanya mkuu wa mkoa wa Kigoma na mkuu wa wilaya hiyo.

“Wananchi wataendelea kupata elimu kupitia mikutano hiyo na tayari tumeandaa utaratibu wa kuwafikia wananchi moja kwa moja kupitia mikutano ikiwa elimu ya ugonjwa wa Ebola ni agenda kuu na kupitia vyombo vya habari tulivyonavyo” amesema Dr. Siwale

Amehitimisha kwa kusema wagonjwa waliokuwa wakitibiwa katika zahanati ya Bangwe watakuwa wakitibiwa katika zahanati ya Kigoma mjini ili kupisha huduma itakayokuwa ikilotewa hapo na hadi sasa maandalizi yamekamilika ambapo pia eneo la zahanati ya Bangwe inatarajiwa kuwekewa uzio kwa ajili ya usalama.

Naye mwenyekiti wa kamati ya uchumi, elimu na afya Mhe. Hussein  Kaliyango ameipongeza serikali na mganga mkuu wa manispaa kwa jitihada wanazozifanya katika kuhakikisha wanadhibiti na kutoa elimu ya ugonjwa wa Ebola kwa wakazi wa manispaa ya Kigoma/Ujiji  na kuwataka wakazi wa Bangwe kuitikia  vizuri suala la kutibiwa katika kituo cha zahanati  ya Kigoma mjini pindi watakapotangaziwa  kutokana na huduma itakayotolewa.

Shirika la afya duniani  WHO na Wizara ya afya , jinsia, wazee na watoto imethibitisha kuwa hadi sasa Ugonjwa wa  Ebola haupo nchini Tanzania , 'Hakuna taarifa zilizopo kuhusu vipimo vya maabara na matokeo ya vipimo wala maelezo kuhusu dalili'', limesema shirika hilo la Afya duniani katika ripoti yake.