NAIBU WAZIRI WA UTUMISHI AWATAKA WATUMISHI WA UMMA KUWATUMIKIA WANANCHI KIKAMILIFU. Servants

Posted on: November 15th, 2022

Na Mwandishi Wetu

Watumishi wa Umma Wilaya ya Kigoma wametakiwa kufanya kazi kwa weredi katika maeneo yao ya kazi ikiwa ni pamoja na kutoa huduma bora kwa Wananchi kwa kuzingatia utaratibu, kanuni na sheria

Aliyasema hayo Naibu Waziri Ofisi ya Rais, Menejimenti ya Utumishi wa Umma na Utawala bora Mhe. Deogratius Ndejembe jana Novemba 14, 2022  Wakati akizungumza na watumishi wa Wilaya hiyo katika Ukumbi wa Redcross Manispaa ya Kigoma/Ujiji

Akiwa katika  ukumbi huo aliwataka Waajiri katika maeneo yao kutenda haki kwa watumishi ikawa ni pamoja na Uandaaji, uhakiki  na uwasilishaji kwa wakati madeni ya Watumishi wanaodai  ili kushughulikiwa  kwa wakati katika wizara hiyo

Aidha aliwataka Waajiri kujiridhisha kukidhi vigezo kwa Watumishi wanaoomba kuhamia maeneo mengine ya kazi  kwa kuwatendea haki huku akiwataka kuchukua hatua za kinidhamu kwa Watumishi wanaotumia nyaraka za kugushi kutaka kuhamia vituo vingine

Alihitimisha kwa kusema Serikali inaendelea kuboresha maslahi ya Watumishi Umma  katika kipindi cha awamu ya sita huku akiendelea kusisitiza Waajiri kulipa stahiki za Watumishi zitokanazo na mapato ya ndani kwa wakati kama vile fedha za matibabu  

Kaimu Mkuu wa Mkoa wa Kigoma ambaye pia ni Mkuu wa Wilaya ya Kigoma Bi. Ester Alexander Mahawe aliwataka Waajiri wa Mkoa huo kuhakikisha wanatenda haki na kuahidi kuendelea kusimamia weredi wa watumishi kupitia Maafisa utumishi waliopo katika taasisi zao    

Mkurugenzi wa Manispaa ya Kigoma/Ujiji Ndugu. Athumani Msabila alimuomba Naibu Waziri h kufanya msawazo wa watumishi kutoka maeneo mengine kutokana na Halmashauri   zilizopo Mkoani Kigoma kuwa na uhaba wa watumishi huku kiongozi akiahidi kulifanyia kazi

Mkutano huo ulihudhuriwa na Watumishi wa Sekratieti ya Mkoa, Watumishi wa Halmashauri ya Manispaa ya Kigoma/Ujiji, Halmashauri ya Wilaya na Watumishi kutoka taasisi na idara za Serikali  Wilaya ya Kigoma