RAIS SAMIA AAHIDI UJENZI WA SOKO LA KIBIRIZI KISASA Presdent

Posted on: October 18th, 2022

Na Mwandishi Wetu

Rais wa Jamhuri ya Muungano wa Tanzania Mhe. Samia Suluhu Hassan ameahidi Serikali kuleta fedha kwa ajili ya ujenzi wa kisasa wa  mabanda ya   Soko la Kibirizi lililopo Manispaa ya Kigoma/Ujiji

Amesema hayo Leo October 18, 2022 wakati akihutubia Wananchi wa waliojitokeza katika eneo la soko la Kibirizi  mara baada ya kuweka jiwe la Msingi katika Ujenzi wa bandari  ndogo ya Kibirizi

Rais amesema kutokana na maboresho ya Bandari yanayoendelea Serikali italeta fedha ili mabanda yaliyopo soko la kibirizi yajengwe kisasa kwa lengo la kuboresha mazingira ya Wafanyabiashara wa soko hilo waliopo jirani na bandari hiyo

Aidha amewataka wafanyibiashara waliopo katika soko hilo kukubaliana na maboresho hayo kwa kupisha ujenzi huo pindi fedha zitakapokuwa tayari na Halmashauri kuweka utaratibu wa kuwapa kipaumbele wafanyabiashara hao watakaopisha mara baada ya ujenzi kukamilika

Amesema “ ni lazima Wafanyabiashara mkubaliane tufanye ujenzi wa Kisasa, tufanye ramani mpya ya soko , Mkubaliane na ubomoaji ili kuboresha mazingira yenu ya kazi”

Katika bandari ya kibirizi iliyowekwa jiwe la Msingi jumla ya fedha za Kitanzania  Billion 32/=  zinatumika katika ujenzi unaoendelea katika bandari ya Kibirizi na Ujiji ikihusisha ujenzi wa Jengo la abiria, Jengo la Mizigo na ujenzi wa gati