RAIS SAMIA SULUHU HASSANI KUFANYA ZIARA YA KIKAZI MKOANI KIGOMA Presdent

Posted on: October 11th, 2022

Na Mwandishi Wetu

Rais wa Jamhuri ya Muungano wa Tanzania Mhe. Samia Suluhu Hassani anatarajia kufanya ziara ya kikazi ya siku nne (04) Mkoani Kigoma kuanzia October 16 hadi 19, 2022

Mkuu wa Mkoa wa Kigoma Mhe. Thobias Adengenye ametoa taarifa hiyo katika Mkutano wa Waandishi wa habari uliofanyika Leo October 11, 2022 katika Ukumbi wa jengo la Ofisi ya Mkuu wa Mkoa huo

Mkuu huyo wa Mkoa amesema  Rais anatarajia kuwasili Wilayani Kakonko October 16,   majira ya saa nne Asubuhi huku akiwataka Wananchi kujitokeza kumpokea katika Wilaya hiyo

Mkuu huyo wa Mkoa amesema Rais akiwa Mkoani Kigoma anatarajia Kufungua, kuweka mawe ya Msingi, Kuzindua miradi ya Afya, Maji na Kukagua miradi ya Maendeleo , kusalimia na kufanya mikutano ya Wananchi katika maeneo atakayopita

Amesema ziara ya Rais ni ziara yake ya kwanza Mkoani Kigoma tangu kuingia madarakani huku akiwataka Wananchi kujitokeza kumpokea,  kumsikiliza na kujitokeza katika maeneo atakapokuwa akipita na kufanya mikutano

Wilaya atakazofanya ziara ni Wilaya ya Kakonko, Kibondo, Kasulu, Buhigwe na Wilaya ya Kigoma