RAS KIGOMA AKAGUA UJENZI UNAOENDELEA HOSPITALI YA MANISPAA YA KIGOMA UJIJI Regional

Posted on: May 13th, 2024

Na Mwandishi Wetu

Katibu Tawala wa Mkoa wa Kigoma Ndugu. Hassan Rugwa Leo May 13, 2024  amefanya ziara ya kukagua ujenzi unaoendelea katika Hospitali ya Manispaa ya Kigoma/Ujiji.

Kiongozi huyo amefanya ziara ya kukagua majengo yanayoendelea kujengwa kama vile jengo la Maabara, Jengo la Wazazi (Maternity Complex), Jengo la mionzi, na jengo la stoo ya dawa.

Katibu Tawala huyo ameutaka uongozi wa Manispaa kuendelea kusimamia kasi ya Ujenzi wa Majengo hayo ili kukamilika kwa wakati na kuanza kutoa huduma kwa Wananchi.

Serikali ya Awamu ya Sita ilileta fedha za Kitanzania Billion Moja na Million Mia tatu  (Tsh 1, 300, 000, 000/=) kwa ajili ya Ujenzi wa Majengo hayo ikiwemo Jengo la Wagonjwa wa nje (OPD) ambalo tayari linafanya kazi ikiwemo Mapumziko ya mda mfupi na vipimo vya maabara.

Naye Mkurugenzi wa Manispaa ya Kigoma/Ujiji Bi. Mwantum Mgonja amemhakikishia Kiongozi huyo kusimamia maelekezo aliyoyatoa ikiwemo kusimamia miundombinu kukamilika kwa wakati.

Zaidi bofya www.kigomaujijimc.go.tz