SHERIA YA KUDHIBITI NGONO ZEMBE KUTUNGWA KIGOMA/UJIJI.municipal committe

Posted on: November 16th, 2019

Baraza la madiwani wa halmashauri ya Manispaa ya  Kigoma/Ujiji jana Novemba 15, limepitisha hoja ya kutunga sheria ndogo ya kudhibiti ngono zembe kutokana na kuongezeka kwa vitendo vya biashara ya ngono katika manispaa hiyo

Hoja hiyo iliyoibuliwa na diwani wa kata ya Kibirizi Mhe Yunus Rohomvya baada ya mjumbe wa kamati ya UKIMWI Mhe. Obadia Manwigi kuwasilisilisha taarifa ya robo ya nne katika  baraza hilo ambapo alisema kumekuwa na ongezeko kubwa la mabinti wa eneo la Kibirizi,Bangwe, na Ujiji kila siku za jioni kwenda mjini na eneo la Community Centre maarufu kwa Bera kukusanyika eneo hilo ili waweze kukutana na wanaume kwa lengo la kujiingizia kipato

Akieendelea kutoa hoja hiyo alisema hata hivyo kuna kundi kubwa la mabinti kutoka  Nchi jirani ya  Burundi wanafanya biashara katika maeneo mbalimbali ya starehe katika manispaa hiyo, baada ya kutoa taarifa hiyo diwani huyo aliwataka madiwani wa halmashauri hiyo kuunga mkono hoja kwa kukubaliana na wazo la kutunga sheria ndogo hiyo

Aidha awali mjumbe wa kamati ya Ukimwi akiwasilisha taarifa ya kamati hiyo alisema kwa kipindi ha robo ya nne kiwango cha watu kuugua magonjwa ya ngono zembe yameongezeka ukilinganisha na kipindi kilichopita ambapo wagonjwa 544 walipimwa na kukutwa na magonjwa hayo wabaume wakiwa 76 na wanawake wakiwa 468

Nao baadhi ya madiwani wakichangia hoja hiyo wamekubaliana na hoja hiyo kutokana na vitendo hivyo kukithiri katika manispaa hiyo akichangia hoja hiyo Diwani viti maalumu Mhe Stella alisema ‘vitendo hivyo ni vibaya vinavyoendelea katika mji wetu tunapaswa kutovifumbia macho kutokana na athari zinazoweza kujitokeza katika mji wetu ikiwa na kupoteza nguvu kazi za vijana wetu’

Aidha Baraza hilo limeweza kutoa pongezi kwa halmashauri ya manispaa ya kigoma/Ujiji kwa kuongeza kiwango cha ufaulu katika matokeo ya mtihani wa kitaifa wa darasa la saba kwa mwaka 2019 na kuibuka mshindi wa kwanza katika halmashauri nane za mkoa wa Kigoma

Baraza hilo limetoa vinyago kwa shule tatu zilizofanya vibaya na kuwa wa mwisho katika mtiririko wa mshindi kwa shule za halmashauri hiyo , shule zilizofanya vibaya ni pamoja na shule ya msingi Businde, shule ya msingi Mbano na shule ya msingi Benjamini Mkapa.

Mwenyekiti wa kamati ya Uchumi,Elimu na Afya Mhe. Hussein Kaliyango alisema kamati imeweka mikakati ya kuhakikisha manispaa hiyo inaendelea kufanya vizuri katika matokeo ya mitihani ya kuhitimu elimu ya msingi na elimu ya Sekondari ambapo amesema kamati zote za shule zimeshaitwa na kukabidhiwa mikakati hiyo.

Akiendelea kueleza alisema mikakati hiyo ni pamoja na kila shule kuhakikisha inapata kompyuta na printa kwa ajili ya kufanya mitihani na majaribio kila mara na kuhakikisha kamati za shule zinasimamia kupungua kwa utoro kwa shule zilizopo katika manispaa hiyo.

Naye mkurugenzi wa halmashauri hiyo Ndugu. Mwailwa Pangani alisema kufikia mwezio Desemba manispaa hiyo itahakikisha inanua tofali laki moja na elfu sitini na tano(165,000) na kila shule iliyopo katika manispaa hiyo itapata tofali elfu ishirini na tano(25,000).