SHULE MPYA, TUMAINI JIPYA WANAFUNZI BUHANDA. School

Posted on: January 10th, 2026

Na Mwandishi Wetu

Shule Mpya ya awali na Msingi katika Kata ya Buhanda inarajiwa kuwa matumaini katika kufikia ndoto ya elimu kwa Wanafunzi wa Mtaa wa Mgeo Kata ya Buhanda Manispaa ya Kigoma/Ujiji kwa kupunguza kutembea umbali mrefu.

Ujenzi wa miundombinu umefikia asilimia tisini na nane (98%) ambapo kwa sasa ukamilishaji wa madawati, viti na meza ukiwa unaendelea.

Wanafunzi wanatarajia kuanza masomo yao hivi karibuni katika Shule hiyo wakigawanywa kutoka Shule Mama (Shule ya Msingi Mwasenga na Butunga) za Kata hiyo.

Kwa sasa Wanafunzi wa Mtaa wa Mgeo wanatembea Wastani wa Km 3 kwenda Shule ya Msingi Mwasenga  na Butunga ambapo kuanza kwa masomo katika Shule hiyo kutafanya Wanafunzi kutembea Wastani wa Km 1 kwenda Shuleni hapo.

Serikali ya Awamu ya Sita imetekeleza ujenzi wa Shule hiyo Mpya kupitia Mradi wa BOOST ili kusogeza huduma, kuepuka wanafunzi kutembea umbali mrefu na kupunguza wingi wa Wanafunzi madarasani.

Ujenzi wa Shule ya Awali na Msingi unatekelezwa kwa gharama ya fedha za Kitanzania zaidi ya Million Mia tatu (Tsh 342,900,000/=).

Uenzi huu unahusisha jengo la Utawala, Vyumba vya madarasa viwili (02) vya elimu ya Awali, Vyumba Sita (06) elimu Msingi, Madawati , Viti,  Meza na Matundu ya Vyoo kumi na nane(18).

Zaidi bofya www.kigomaujijimc.go.tz