SHULE ZA MSINGI MPYA 4 KUJENGWA, NA UKARABATI WA SHULE KONGWE KIGOMA UJIJI. Education infrastructure

Posted on: July 16th, 2025

Na Mwandishi Wetu

Manispaa ya Kigoma/Ujiji imepokea kiasi cha fedha za Kitanzania zaidi ya Billioni mbili na Millioni Mia tano (Tsh 2,504,597,857.00/=) Kutoka Serikali Kuu kupitia Mradi wa BOOST kwa ajili ya Ujenzi wa miundombinu ya elimu ya awali na Msingi.

Fedha hizo zinatarajia kujenga Shule Mpya za Awali na Msingi nne (04) zenye Mkondo mmoja katika Kata za Kagera eneo la Mgumile, Kibirizi eneo la Buronge, Buhanda na Businde Kila Shule ikigharimu kiasi cha fedha za Kitanzania zaidi ya Million Mia tatu arobaini na mbili (Tsh 342, 900,000/=).

Pia fedha hizo zinalenga Kukarabati Shule Kongwe ikiwemo Shule ya Msingi Kagera kwa gharama ya Tsh 111, 197, 857/= na ukarabati wa Shule ya Msingi Ujiji kwa gharama ya Tsh 151,000,000/=.

Aidha ujenzi wa miundombinu ya madarasa na Matundu ya vyoo yanatarajia kujengwa katika Shule ya Msingi Bushabani, Rasini, Kagera, Kitongoni, Kipampa, Burega, Uhuru na Shule ya Msingi Mwenge.

Serikali ya Awamu ya Sita chini ya  Rais Dr.  Samia Suluhu Hassan imeendelea  kuboresha mazingira ya kujifunzia na kufundishia ili watoto wa Kitanzania wapate elimu bora katika mazingira rafiki na salama.

Zaidi bofya www.kigomaujijimc.go.tz