TIMU YA URATIBU MBIO ZA MWENGE WA UHURU MKOA WA KIGOMA YAFANYA ZIARA KIGOMA UJIJI National Touch

Posted on: June 26th, 2024

Na Mwandishi Wetu

Kamati ya Uratibu wa Mbio za Mwenge wa Uhuru Mkoa wa Kigoma Leo June 26, 2024 wamefanya ziara ya kukagua na kutembelea miradi inayotarajiwa kutembelewa, kukaguliwa, kuzinduliwa na kuwekewa jiwe la Msingi na Mwenge wa Uhuru kwa Mwaka huu.

Ziara hiyo imefanyika ikiongozwa na Mhandisi wa Mkoa wa Kigoma Eng. Fransis Magoti, na Mwenyeji wake Katibu Tawala wa Wilaya ya Kigoma Ndugu. Mganwa Nzota ambapo wametembeleana na kukagua  miradi ya utawala, elimu, afya, barabara, Vijana na uhifadhi wa Mazingira.

Akitoa maelekezo Mhandisi wa Mkoa ameitaka Manispaa ya Kigoma/Ujiji kuendelea kujiandaa na mapokezi ya Mwenge wa Uhuŕu  ikiwa ni pamoja na   kukamilisha miradi inayoendelea kutekelezwa kwa kuzingatia vigezo na alama  zilizowekwa Mwaka huu.

Mkurugenzi wa Manispaa ya Kigoma/Ujiji Ndugu. Kisena Mabuba ameipongeza timu ya Uratibu wa Mbio za Mwenge wa Uhuru Mkoa wa Kigoma kwa namna walivyotoa ushauri na maelekezo katika miradi  huku akisema atasimamia maelekekezo hayo na kuyafanyia kazi kwa wakati.    

Mbio za Mwenge wa Uhuru zinatarajia  kukimbizwa Manispaa ya Kigoma/Ujiji Septemba 16, na  kauli mbiu  ya Mwaka huu 2024 ni  "Tunza Mazingira na Shiriki uchaguzi wa Serikali za Mitaa kwa ujenzi wa Taifa endelevu".  

Zaidi tembelea www.kigomaujijimc.go.tz