"TUDUMISHE AMANI ILIYOPO" MSULUZYA idepent day

Posted on: December 9th, 2022

Na Mwandishi Wetu

Katibu Tawala Msaidizi Serikali za Mitaa Mkoani Kigoma Ndugu. Moses Msuluzya amewataka Wananchi  wa Wilaya ya Kigoma kudumisha amani iliyopo  Nchini Tanzania

Ameyasema hayo Leo Desemba 9, 2022 katika Kongamano la miaka 61 ya Uhuru wa Tanzania bara awali ikiitwa Tanganyika liloandaliwa na Ofisi ya Mkuu wa Wilaya ya Kigoma   likifanyikia Ukumbi wa NNSF Kigoma

Amesema Wananchi wa Wilaya ya Kigoma na Watanzania wote kila mmoja ana wajibu wa kuhakikisha analinda amani iliyoasisiwa na Viongozi wa Taifa hilo pasipo kuruhusu vurugu ya aina  yeyote

Aidha amewataka Wananchi hao kutumia fursa zilizopo Mkoani Kigoma kama kilimo cha Michikichi ya Kisasa, Uvuvi, biashara na kutumia mipaka ya Nchi jirani katika kujiongezea kipato na  kukuza Uchumi  

Amewataka Wakuu wa taasisi, Idara na Vitengo Serikalini kuendelea kutoa taarifa  kwa Wananchi juu ya miradi ya  maendeleo inayoendelea kutekelezwa katika Wilaya hiyo katika kuboresha huduma za jamii

Katika kongamano hilo Wakuu wa taasisi wameeleza mafanikio yaliyopatikana katika kipindi cha miaka 61 tangu uhuru wa Tanganyika awali ikiitwa Tanganyika kabla ya kuungana na Zanzibar Mwaka 1964 na Kuuitwa Tanzania

Kongamano hilo limehudhuliwa  na Barozì mdogo wa Burundi Nchini Tanzania, Kamati ya Ulinzi na Usalama Wilaya ya Kigoma, Wakurugenzi wa Taasisi, Wakuu wa idara, Viongozi wa Kisiasa, Wananchi na Wandishi wa habari  

Kauli mbiu ya Mwaka huu ni "  Miaka 61 ya Uhuru, Amani na Umoja ni nguzo ya Maendeleo yetu ".