UDUMAVU WAPUNGUA MKOANI KIGOMA. Nutrition

Posted on: August 4th, 2023

Na Mwandishi Wetu

Mkuu wa Mkoa wa Kigoma Ndugu. Thobias Adengenye Jana Julai 03, 2023 aliwataka Wakuu wa Wilaya kusimamia vikao vya kila robo vya tathimini ya lishe ili kuweza kuendelea kuondoa hali ya udumavu kwa Watoto

Aliyasema hayo katika kikao cha tathimini ya lishe kwa Mkoa kilichofanyikia ukumbi wa Katibu Tawala  wa Mkoa huo kikihusisha Katibu Tawala wa Mkoa, Wakuu wa Wilaya, Wakurugenzi wa Halmashauri, Waganga Wakuu, Maaifisa lishe, Wakuu wa Mipango, na Wakuu wa idara ya Fedha kutoka Sekritarieti ya Mkoa na Halmashauri

Katika hotuba Aliyoitoa alisema kwa kipindi cha Miaka mitatu Mkoa wa Kigoma umepunguza hali ya udumavu kutoka  asilimia 42 hadi  asilimia 27 kwa hali ilivyo kwa sasa

Alisema katika kuondoa udumavu lazima elimu iendelee kutolewa kuanzia ngazi ya familia wakiwemo Wanaume jambo litakalosabisha ukuaji wa uzalishaji Mali pamoja na kukua kwa uchumi katika Mkoa wa Kigoma

Naye Katibu Tawala wa Mkoa Ndugu. Albert Msovera aliwataka Maafisa lishe kukagua chumvi zinazouzwa katika minada kama zinakidhi viwango na kuwa na madini Joto kwa afya ya walaji