UJENZI ZA ZAHANATI MPYA KATA YA RUBUGA KUPITIA MAPATO YA NDANI WAANZA. Health

Posted on: April 17th, 2025

Na Mwandishi Wetu

Halmashauri ya Manispaa ya Kigoma/Ujiji imeanza ujenzi wa Zahanati mpya  katika Kata ya Rubuga kupitia Mapato ya ndani kwa lengo la kuendelea kusogeza huduma za matibabu karibu na Wananchi.

Ofisi ya Mkurugenzi wa Manispaa ya Kigoma/Ujiji tayari imeshatoa kiasi cha fedha za Kitanzania Million Mia moja (Tsh 100, 000,000/=) kutoka katika Mapato ya ndani ujenzi ukiwa Katika hatua ya msingi, na kukamilika kwa jengo kunatarajia kutumia kiasi cha fedha za Kitanzania Millioni Mia moja thelathini ( Tsh 130,000,0000/=).

Ujenzi huu umeanza kwa kuwanufaisha Wakazi wa Kata hiyo katika hatua ya ujenzi kwa kujipatia vipato kupitia mafundi ujenzi, Vibarua, mama lishe, Madereva wa malori na boda boda.

kukamilika kwa ujenzi wa Zahanati hiyo kutawanufaisha Wananchi wa Kata hiyo na maeneo jirani ikiwa ni utekelezaji wa ilani ya Chama cha Mapinduzi (CCM) Ibara ya 81 katika kuhakikisha  Serikali inatoa huduma za afya na Wananchi kuwa na afya bora ili kuwawezesha kushiriki Shuguli za Maendeleo Nchini.

Zaidi bofya www.kigomaujijimc.go.tz