VIONGOZI WA DINI NA KIMILA UJIJI WAJADILI KUTOKOMEZA VITENDO VYA UKATILI. Moral discussions

Posted on: November 28th, 2025

Na Mwandishi Wetu

Ikiwa ni maadhimisho ya  Siku 16 za kupinga ukatili wa Kijinsia Viongozi wa dini na Kimila Jana Novemba 27, 2025 walikutana katika ukumbi wa Ndela uliopo Manispaa ya Kigoma/Ujiji  kwa lengo la kujadili na kutokomeza vitendo vya ukatili ambavyo vimekuwa vikijitokeza  ndani ya Jamii hasa kwa Wanawake na Watoto.

Afisa Maendeleo ya Jamii Ndugu. Jabir Majira aliwataka Viongozi hao kuendelea kuelimisha na kusimamia ili kuhakikisha kunakuwa na Jamii yenye maadili.

Aidha aliwataka kuielimisha Jamii katika malezi na maadili yanayofaa na kuendelea kutoa taarifa katika Mamlaka husika pindi vitendo vya ukatili vinapotokea.

Akichangia katika kikao hicho Mchungaji Godfrey Malela alisema kwa sasa Jamii inakabiliwa na Changamoto kujifunza utamaduni wa nje kupitia Mitandao ya kijamii huku akizitaka familia kuwa na vikao vya mara kwa mara kuzungumzia malezi na udhibiti wa Vitendo vya Ukatili.

Kauli mbiu ya Mwaka huu " Tuungane kutokomeza Ukatili wa Kijinsia Mtandaoni".

Zaidi bofya www.kigomaujijimc.go.tz