VIONGOZI WA ELIMU WAJADILI NAMNA YA UKUZAJI TAALUMA NA UFAULU MANISPAA YA KIGOMA/UJIJI education leaders

Posted on: September 29th, 2022

Na Mwandishi Wetu

Viongozi wa elimu Manispaa ya Kigoma/Ujiji leo Septemba 29, 2022 wamefanya kikao cha siku moja cha kujadili namna ya uboreshaji na uwekaji mikakati ya ukuzaji taaluma huku wakizindua miongozo na mikakati ya kuboresha elimu ya Msingi na Sekondari

kikao hicho kilichofanyikia  ukumbi wa  Shule ya Sekondari Buronge kimehusisha Maafisa elimu ngazi ya Halmashauri, Maafisa elimu Kata, Wakuu wa Shule za Msingi na Sekondari

Akifungua Mkutano huo Afisa elimu Sekondari Manispaa ya Kigoma/Ujiji Ndugu. Lawi Kajanja amewataka Maafisa elimu Kata na Wakuu wa Shule kusimamia kikamilifu suala la ufundishaji na ujifunzaji kwa kuzingatia miongozo na sera ya elimu Nchini

Aidha amewataka viongozi hao kusimamia suala la Ukuaji wa taaluma na maadili ili kuzalisha na kuandaa wataalamu waliobora katika fani mbalimbali  

Naye Katibu Msaidizi wa Tume ya Utumishi wa Walimu (TSC)  Ndugu. Obadia Makoko amesema katika taasisi za elimu kumekuwa na vitendo visivyo vya maadili kama vile utoro wa  baadhi ya Walimu  kazini, kutofundisha vipindi na baadhi ya vitendo vya ukatili vinavyoweza kusababisha Matokeo mabaya katika maendeleo na mitihani ya Wanafunzi hali inayowezeza kusababisha kuzalisha wataalamu  na jamii isiyo na maadili

Amewataka Viongozi hao kutofumbia macho vitendo hivyo vya utovu wa nidhamu kazini na kusimamia maadili ya kazi kikamilifu   kwa  kushughulikia katika nafasi zao pale vitendo hivyo vinapojitokeza  ili kuhakisha ukuaji wa elimu katika Manispaa hiyo

Aidha amesema kuvunjwa kwa maadili ya kazi kwa Walimu wawapo kazini kunaweza kupelekea adhabu mbalimbali ikiwemo kupata barua za onyo, kuzuia ongezeko la mshahara, kushushwa kwa ngazi ya mshahara au kufukuzwa kazi  

Katika kikao hicho Wataalamu hao kwa pamoja wameweka mikakati ya kuhakikisha wanasimamia suala la ufundishaji kwa Walimu, kuzingatia maadili ya kazi na kuimarisha Ulinzi na Usalama wa ujifunzaji Mwafunzi

Katika kikao hicho miongozo iliyozinduliwa ni pamoja na  muongozo wa uteuzi wa Viongozi  wa elimu katika Mamlaka  za Serikali za Mitaa  na Mikoa ,  mwongozo wa Changamoto  katika uboreshaji wa elimu Msingi  na Sekondari na nini kifanyike,   na muongozo wa kitabu cha kuimarisha ufundishaji  na ujifunzaji katika   ngazi ya  elimu msingi