VIONGOZI WA SERIKALI, CCM WAPONGEZA BARAZA LA MADIWANI KIGOMA/UJIJI . Leaders

Posted on: October 30th, 2023

Na Mwandishi Wetu

Viongozi wa Serikali na Chama cha Mapinduzi (CCM) wamelipongeza Baraza la Madiwani la Manispaa ya Kigoma/Ujiji kwa namna linavyosimamia maendeleo ya Wananchi katika Kata mbalimbali za Manispaa hiyo.

Pongezi hizo zimetolewa Leo Oktoba 30, 2023 katika Baraza la uwasilishaji taarifa za utekelezaji za Kata kwa Robo ya Kwanza July -Septemba 2023/2024.

Awali akitoa Salamu kutoka Ofisi ya Mkuu wa Wilaya, Katibu Tawala wa Wilaya ya Kigoma Ndugu. Mganwa Nzota  ameupongeza uongozi wa Halmashauri kwa namna ambavyo umendelea kusimamia uboreshaji wa  miundombinu  na usafi wa Mji.

Katibu wa Itikadi na Uenezi wa Chama Cha Mapinduzi (CCM) Wilaya ya Kigoma Ndugu. Haruna Kambiro amesema Chama hicho kinaridhishwa namna ilani inayotekelezwa ikiwa ni pamoja na utekelezaji wa miradi ya maendeleo katika Kata mbalimbal kutokana na fedha za Mapato ya ndani.

Baraza hilo limeongozwa na Naibu Meya wa Manispaa hiyo Mhe. Mgeni Omary Kakolwa na Katibu ambaye ni  Mkurugenzi Bi. Mwantum Mgonja.

Zaidi www.kigomaujijimc.go.tz