VYETI VYA KUZALIWA KUTOLEWA OFISI ZA KATA Birth certificate

Posted on: October 3rd, 2023

Na Mwandishi Wetu

Wazazi na Walezi wenye Watoto chini ya Umri wa Miaka mitano (05) wametakiwa kujitokeza kwa wingi katika Ofisi za Watendaji Kata na Katika vituo vya kutolea huduma za afya kwa lengo la kusajili na kupata vyeti vya kuzaliwa

Ameyasema hayo Waziri wa Katiba na Sheria Nchini Tanzania Dr. Pindi Chana Leo Octoba 3, 2023 alipokuwa akizindua Mpango wa Kusajili na Kutoa Vyeti vya kuzaliwa chini ya Miaka 5 Mkoani Kigoma

Katika Uzinduzi huo uliofanyikia Uwanja wa Mwanga Community Centre Manispaa ya Kigoma/Ujiji Waziri amesema zoezi hilo la Usajili na Kutoa vyeti vya kuzaliwa litafanyika katika Ofisi za Watendaji Kata na vituo vya kutolea afya huku akiwataka Wananchi wenye watoto wenye Umri huo kujitokeza

Akitoa Salamu katika Mkutano huo Mkuu wa Wilaya  ya Kigoma Ndugu. Salum Hamis Kali (Kwa niaba ya Mkuu wa Mkoa) amesema zaidi ya Watoto laki tatu ( 396,000) wanatarajiwa kusajiliwa na kupata vyeti vya kuzaliwa  

Zaidi www.kigomaujijimc.go.tz