WAJASIRIAMALI WA SOKO LA MASANGA WAPONGEZA UTARATIBU ULIOTUMIKA KUPATA MAENEO YA BIASHARA. Market

Posted on: July 12th, 2022

Na Mwandishi Wetu
Wajasiriamali na Wafanyabiashara wa Soko la Masanga waliopisha Ujenzi katika Soko la Mwanga Jana July 11, 2022 waliupongeza Uongozi wa Manispaa ya Kigoma/Ujiji kwa utaratibu uliotumika wa kuhakikisha wanapata maeneo ya kufanyia biashara zao

Waliyasema hayo  katika Mkutano uliofanyika  na Meya wa Manispaa ya Kigoma/Ujiji Mhe. Baraka Naibuha Lupoli   katika Soko hilo jipya la Masanga wakati wa uhakiki zoezi la ugawaji wa maeneo kwa Wajasiriamali hao

Mwenyekiti wa Wauza Nyanya na Mboga Mboga Bi. Mayase Hamisi na Mwenyekiti wa Wauza Viatu na Ndala(Yebo Yebo)  Daudi Makota  walisema Viongozi wa Manispaa kupitia Wataalamu awali waliandika majina ya Wajasiriamali Wote waliokuwa Soko la Mwanga kabla ya kupisha Ujenzi na majina hayo ndio yaliyotumika kuhakikisha kila mlengwa ana nufaika na soko hilo jipya la Masanga  

Naye Meya wa Manispaa hiyo aliwapongeza wajasiriamali hao  kwa kupisha Ujenzi wa soko la Mwanga utakaojengwa Kisasa huku akisema uboreshaji wa soko hilo la Masanga utaendelea kwa kujenga Shedi (Vizimba) vitakavyosaidia wajasiriamali hao kujikinga na jua na katika kipindi cha Mvua