"WANANCHI TOENI USHIRIKIANO KATIKA MIRADI INAYOTEKELEZWA" MKURUGENZI MWANTUM Citizen Participation

Posted on: July 13th, 2023

Na Mwandishi Wetu

Mkurugenzi wa Manispaa ya Kigoma/Ujiji Bi. Mwantum Mgonja amewataka Wananchi kutoa ushirikiano katika miradi inayotekelezwa katika Manispaa hiyo

Ameyasema hayo Leo July 13, 2023 katika kipindi cha #goodmorningkigoma kinachorushwa na radio joy 90.5

Mkurugenzi huyo ameeleza miradi inayotekelezwa na fedha kutoka Serikali Kuu na mapato ya ndani

Amesema kwa Sasa Halmashauri  inatekeleza ujenzi wa Shule Mpya na madarasa kupitia mradi wa BOOST kwa gharama ya zaidi ya Billion moja (Tsh   1, 467, 200, 000/=) fedha kutoka Serikali Kuu, Ujenzi wa Hospitali ya Manispaa unaoendelea Kata ya Kagera fedha kutoka Serikali kuu , Ujenzi wa ofisi za Kata ya Mwanga Kusini,  Majengo na Buhanda, Ujenzi wa ofisi ya Kata Katubuka ukiwa umekamilika, na ujenzi wa Zahanati ya Machinjioni kupitia mapato ya ndani

Amewataka Wananchi kutoa taarifa sahihi pale ambapo miradi hiyo inapoharibiwa na kuhujumiwa ili kuhakikisha thamani ya fedha katika mradi inaonekana

Amehitimisha kwa kuwataka Wananchi kujitokeza na kushiriki katika Mwenge wa Uhuru utakaopokelewa August 22, Mwaka huu katika eneo la Shule ya Sekondari Buronge,  eneo la miradi na katika eneo la Mkesha la Mwanga Community centre