WANANCHI WA MANISPAA YA KIGOMA/UJIJI WATAKIWA KUZINGATIA USAFI ILI KUJIKINGA NA UGOJWA WA MATUMBO, health

Posted on: January 14th, 2022

Na Mwandishi Wetu

Kaimu Mkuu wa Wilaya ya Kigoma Kanali Michael Masala Ngayalina (ambaye ni Mkuu wa Wilaya ya Buhigwe) amewataka wakazi wa Wilaya ya Kigoma kuzingatia usafi kutokana na uwepo wa wagonjwa wa Matumbo katika Wilaya hiyo

Kaimu Mkuu wa Wilaya huyo ameyasema hayo  alipokuwa katika kikao  cha Afya ya Msingi ya jamii kilichofanyikia Leo January 14, 2022 katika ukumbi wa Manispaa ya Kigoma/Ujiji

Amesema mapema mwezi January 2022, idadi ndogo ya Wagonjwa wa Matumbo  walitibiwa katika zahanati  na maeneo ya Kutolea huduma za Afya Manispaa ya Kigoma/Ujiji ambapo idadi hiyo imeongezeka hadi kufikia Wagonjwa kumi na nne (14) wengi wao  wakiwa raia wa Nchi jirani, wakazi wa Manispaa ya Kigoma/Ujiji   eneo la Kibirizi   na wengine wakitokea Halmashauri ya Wilaya ya Kigoma

katika kikao hicho amewataka  wakazi wa Wilaya ya Kigoma kuzingatia na kuchukua tahadhari ya Magonjwa hayo ikiwa ni pamoja na kuhakikisha wananawa kwa maji safi na sabuni wakati wa kula na baada ya kutoka chooni, kuzingatia usafi wa vyakula na Maji, matumizi sahihi ya vyoo, na kujenga utamaduni wa kunawa mikono  kila mara

Aidha amewataka Wataalamu wa afya na idara zingine kusimamia na kutoa elimu ya kujikinga na magonjwa hayo katika mikusanyiko ya watu  kwa njia ya vipeperushi , vyombo vya habari na matangazo ya sauti

Amehitimisha Kwa kuwataka wakazi wa Wilaya hiyo kuhakikisha wanafika katika vituo vya Kutolea huduma za Afya na kutoa taarifa Mara baada ya kuhisi dalili za Ugonjwa huo  huku akisema tayari jitihada za kuwahudumia wagonjwa hao zinaendelea katika Zahanati ya Bangwe

Kikao hicho Kimehudhuria na Kamati ya Ulinzi na Usalama Wilaya ya Kigoma,  Wajumbe wa Kamati za Afya ngazi ya Jamii, Kamati ya Uchumi, elimu na Afya, Wataalamu wa Afya ngazi ya Wizara, Wataalamu kutoka KUWASA, na Mashirika ya Serikali na yasiyo ya Serikali