WATOTO WASIOPATA ELIMU KWA SABABU MBALIMBALI KUPATA FURSA YA KUANDIKISHWA Education

Posted on: March 3rd, 2023

Na Mwandishi Wetu

Mafunzo ya Uhamasishaji wa Watoto wenye Umri wa Miaka 7-14 Wasio kuwa Shule kwa sababu mbalimbali  yameanza  leo March 03, 2023  kwa lengo la kurudi Shuleni katika Shule za Msingi

Mafunzo hayo yanatarajiwa kufanyika kwa Siku tatu (03) Katika  taasisi ya Ahlulbayt Islamic Centre yakihusisha Maafisa elimu, Wenyeviti wa Serikali Mitaa, Watendaji wa Mitaa na Waelimishaji jamii wa Kata ya Kasimbu na Kibirizi  yakifadhiliwa na Shirika la UNICEF

Akifungua Mafunzo hayo Kaimu Mkurugenzi wa Manispaa ya Kigoma/Ujiji Ndugu. Frednand Filimbi amewataka Washiriki Kuzingatia mafunzo ili kuhakikisha jamii inahamasika katika kuwapeleka Watoto kupata elimu

Amesema Manispaa hiyo itaendelea  kushirikiana na wadau mbalimbali, Viongozi ngazi ya Kata, Mitaa na jamii  katika kuwabainisha Watoto wasiopata elimu kwa sababu ya Utoro, Kuacha Shule na sababu zinginezo wanarudi Shule pasipo kikwazo chochote

Mwezeshaji na Mkufunzi wa Mafunzo hayo ambaye pia ni Afisa Elimu Watu Wazima Manispaa ya Kigoma/Ujiji  Ndugu. Cornel Kisinga amesema mafunzo haya yanalenga kuwafikia zaidi ya Watoto elfu sita (6000) hadi kufikia Mwaka 2024 wenye Umri wa Miaka 7-14 ambao hawakuwahi Kusoma, utoro na Sababu zingine

Amesema  Watoto wenye Umri Miaka saba (07) wataandikishwa katika Mfumo rasmi  na uandikishaji wa Watoto wenye Umri wa Miaka 8-14 katika masomo ya MEMKWA yanayomlenga Mwanafunzi kujua Kusoma,  Kuandika na kuhesabu na baadae kuingia katika Mfumo rasmi

Amewataka Wazazi, Walezi na Jamii kuwapeleka Watoto katika Shule za Serikali na Kusema elimu hii inatolewa bure bila malipo

Mhudumu ngazi ya Jamii kutoka Kata ya Kibirizi Bi. Yasinta Vitus amesema ndani ya Jamii kumekuwa na Wazazi wanaowatumikisha Watoto wao katika shughuli za Uzalishaji na ajira zisizo rasmi hali inayoathiri mtoto kutoandikishwa na Wengine kuacha kuendelea na Masomo

Amesema wataendelea kuielimisha na kuihamasisha jamii katika kushirikiana kuibua Watoto wasiopata elimu na kuhakikisha wanaandikishwa katika kuanza masomo