WATUMISHI KIGOMA UJIJI WAASWA KUTUMIA MISINGI YA MAADILI KATIKA KUWAHUDUMIA WANACHI.

Posted on: January 23rd, 2026

Na Mwandishi Wetu

Watumishi wa manispaa ya kigoma/Ujiji wametakiwa kutumia kanuni na misingi ya Maadili ya utumishi wa Umma katika kuwahudumia Wananchi.

Takwa hilo lilitolewa  Jana Januari 22, 2026 na Wataalamu kutoka  Ofisi ya Rais, Menejimenti ya utumishi wa Umma na Utawala Bora katika  Mafunzo yaliyofanyika katika ukumbi wa Manispaa hiyo.

Akizungumza katika mafunzo hayo Afisa Rasilimali Watu kutoka Ofisi ya Rais Menejimenti ya utumishi  na Utawala Bora Bi. Saada Ibrahim alisema Taasisi za Umma zimeundwa kwa ajili ya Ustawi wa Wananchi.

Aliwataka Watumishi kuzingatia kanuni  na maadili katika kutoa huduma kwa Wananchi ikiwemo kutoa huduma bora, bidii ya Kazi, kufanya kazi kwa uadilifu, na kuheshimu Sheria.

Kaimu Mkurugenzi wa Manispaa ya Kigoma/Ujiji Ndugu. Lawi Kajanja aliwapongeza Wataalamu hao huku akisema mafunzo hayo yataendelea kukuza weredi wa Watumishi katika kuendelea kuwahudumia Wananchi wa Manispaa ya Kigoma/Ujiji.

Zaidi bofya www.kigomaujijimc.go.tz