"ZINGATIENI MIFUMO YA TEHAMA KATIKA UFUNDISHAJI " electronic system

Posted on: September 27th, 2022

Na Mwandishi Wetu

Walimu Wakuu wa Shule za Msingi Manispaa ya Kigoma/Ujiji wametakiwa kusimamia Walimu na kutumia  mfumo wa kielektroniki  katika kuboresha ufundishaji na  ujifunzaji Mashuleni

Ushauri huo umetolewa  na Mkufunzi wa Mafunzo hayo Ndugu. Backer Hebron katika mafunzo ya Mpango endelevu wa Walimu kazini (MEWAKA) yaliyofanyikia  katika   Shule ya Msingi Kabingo Leo Septemba 26, 2022  yakiandaliwa na Mradi wa Shule bora unafadhiliwa na  mfuko wa UK aids

Katika mafunzo hayo Walimu hao wametakiwa kutumia mfumo wa kielekronic Learning Management System (LMS) na Maktaba Mtandao katika kujisomea, kupakua vitabu, kupakua  miongozo ya kielimu,  na tathimini ya mahitaji ya elimu

Mkufunzi huyo ameendelea kuwataka  Walimu  kuwa wabunifu katika suala la Ufundishaji huku wakizingatia matumizi sahihi ya mifumo ya Tehama itakayosaidia suala la   Ulinzi na Usalama wa Mazingira kwa kuepuka uchafuzi na uzalishaji wa Karatasi

Aidha katika mafunzo hayo walimu hao wamesisitizwa kuzingatia  elimu jumuishi inayozingatia uboreshaji wa Mazingira yatakayosaidia  Wanafunzi  wenye ulemavu  na Wanafunzi wa kike kujifunza katika mazingira bora na salama

Miradi wa Shule bora unatekelezwa katika Mikoa tisa (9) Nchini Tanzania ukihusisha Halmashauri sitini na saba (67) na Shule elfu tano  mia saba hamsini na saba   ( 5, 757) na Unatarajia kuwanufaisha Wanafunzi zaidi ya Milioni tatu na laki nane ( 3, 800,000) na Walimu zaidi ya  elfu hamsini na nne ( 54, 000)

Mikoa inayotekeleza mradi wa Shule bora ni pamoja na Mkoa wa Kigoma, Katavi, Dodoma, Mara, Pwani,  Rukwa, Simiyu, Singida na Mkoa wa Tanga