"ZINGATIENI SHERIA ZA UCHAGUZI" MSIMAMIZI UCHAGUZI KIGOMA MJINI. Election

Posted on: October 26th, 2025

Na Mwandishi Wetu

Msimamizi wa Uchaguzi Jimbo la Kigoma Mjini Ndugu. David Rwazo amewataka wasimamizi wa vituo kuzingatia Sheria za Uchaguzi na kutoa haki Sawa kwa Wapiga kura katika Uchaguzi Mkuu wa kuchagua Rais, Wabunge na madiwani.

Ameyasema hayo alipokuwa akifungua mafunzo ya Siku mbili (02) kwa wasimamizi wa vituo yanayofanyika ukumbi wa Angrikana Manispaa ya Kigoma/Ujiji.

Amewataka kufuata taratibu mbalimbali za kikatiba na Kisheria ambazo ndizo Msingi wa Uchaguzi huru na wa haki.

Aidha amewataka kusoma Katiba, Sheria, kanuni, miongozo na maelekezo mbalimbali yatakayotolewa na Tume ili kurahisisha Utekelezaji wa Kazi za Uchaguzi.

Uchaguzi Mkuu wa kuchagua Rais, Wabunge na Madiwani utafanyika  Jumatano  Oktoba 29, 2025.

#kurayakohakiyakojitokezekupigakura

Zaidi bofya www.kigomaujijimc.go.tz