TAHADHARI KUFUATIA UTABIRI WA HALI YA HEWA MWEZI OKTOBA-DESEMBA 2018

Posted on: October 31st, 2018

JAMHURI YA MUUNGANO WA TANZANIA

OFISI YA RAIS

TAWALA ZA MIKOA NA SERIKALI ZA MITAA

HALMASHAURI YA MANISPAA KIGOMA/UJIJI

Simu Na.028 2802535                                            Ofisi ya Mkurugenzi wa Manispaa,

Fax Na.  028 2802535                                                                        Halmashauri ya Manispaa,

Email address: municipal@kigomaujijimc.go.tz                         S.L.P 44,

                                                                             KIGOMA.                  

Kumb.Na. I.10/6/92

                                                                                                        Tarehe: 31 OKTOBA, 2018

TANGAZO

Ofisi ya Mkurugenzi Manispaa ya Kigoma/Ujiji kitengo cha Maafa inawatangazia wananchi wote kuchukua tahadhari kufuatia utabiri wa mwelekeo wa mvua  za msimu wa vuli kipindi cha Oktoba – Desemba ,2018

Maeneo yaliyotabiriwa kuwa na mvua za juu ya wastani yanaweza kukumbwa na mafuriko ambayo yanaweza kusababisha madhara kwa binadamu ,mifugo, wanyama,miundombinu na makazi .

Kutokana na utabiri huo wananchi mnatangaziwa kuchukua hatua za tahadhari kuzuia na kupunguza madhara pamoja na kukabiliana na maafa endapo yatatokea katika maeneo yenu

Mambo muhimu ya kuzingatia katika kujipanga kukabiliana na athari za mvua ni kama ifuatavyo:

• wananchi wa maeneo ya mabondeni mnatakiwa kuhama wakati wa kipindi cha mvua na kuweka mikakati ya kuwa  salama na makazi salama
• Kuboresha mifumo ya miundombinu kama barabara, madaraja, mifumo ya umeme na mawasiliano dhidi ya athari za mvua hizi;
• Wananchi mnashauriwa  kupanda mbegu zinazotumia muda mfupi kukomaa pia mnasisitizwa kuweka akiba ya chakula
• Kusafisha mitaro na mifereji ya maji na kuwa safi wakati wote;
•  Wafugaji  mnashauriwa kuhifadhi chakula kwa ajili ya malisho, pia kupunguza idadi ya mifugo kadri itakavyofaa
• Wachimbaji wadogo wa madini/mchanga mnatahadharishwa kuchukua hatua za kulinda usalama wa maisha yenu.
• Pia mnatakiwa Kulinda miundo mbinu ya kufugia samaki ili isiathirike na mvua kubwa
• Mnashauriwa Kuchimba au kukamilisha ukarabati wa mabwawa na malambo kwa ajili ya uvunaji wa maji ya mvua
• Hospitali,vituo vya Afya na Zahanati zijiandae kukabiliana na magonjwa ya mlipuko endapo yatatokea

Vilevile Taarifa na Takwimu za Madhara ya Maafa ikiwa pamoja na uharibifu wa mazao unapotokea ziwasilishwe haraka kwa Maafisa Watendaji wa Mitaa/Kata kwa ajili ya kuziwasilisha Ofisi ya Mkurugenzi kitengo cha maafaa.

Jackson Kahabi

k.n.y MKURUGENZI MANISPAA KIGOMA/UJIJI

cc: Mbao zote za matangazo