UKARABATI WA SHULE KONGWE KAGERA- UJIJI UNAENDELEA. School building

Posted on: January 28th, 2026

Na Mwandishi Wetu

Shule ya Awali na  Msingi Kagera iliyopo Manispaa ya Kigoma/Ujiji ni Miongoni mwa Shule kongwe zilizopo katika Manispaa hiyo ambapo ilianza Mwaka 1955.

Kwa Mwaka 2025, Shule ilipokea kiasi cha fedha za Kitanzania zaidi ya Millioni mia moja kumi na moja (Tsh 111,197,857.00/=) kutoka Serikali Kuu kwa lengo la ukarabati wa miundombinu iliyopo.

Ukarabati wa madarasa Manne (04) unaendelea kukamilishwa ambapo hadi sasa kiasi cha fedha za Kitanzania Millioni arobaini na nne (Tsh 44,000,000/=)  zimeshatumika.

Aidha Serikali inaendelea na Ujenzi wa madarasa mengine manne (04) na matundu kumi na mbili (12) ya Vyoo kupitia Mradi wa BOOST kwa gharama ya fedha za Kitanzania Millioni Mia moja na arobaini (Tsh 140,000,000/=).

Serikali ya Awamu ya sita chini ya Rais Dr. Samia Suluhu Hassan imeendelea kuboresha mazingira ya utoaji elimu ili kuhakikisha wahitimu wanakuwa na maarifa na ujuzi stahiki na wenye uwezo wa kushindana Kimataifa.

Zaidi bofya www.kigomaujijimc.go.tz