BARAZA LA BIASHARA KIGOMA LAAZIMIA UANZISHAJI WA VITUO VYA KUUZA MAZAO YATOKANAYO MICHIKICHI.. Business centre

Posted on: November 26th, 2025

Na Mwandishi Wetu

Baraza la biashara Wilaya ya Kigoma limeazimia Halmashauri ya Manispaa ya Kigoma/Ujiji na Halmashauri ya Wilaya ya Kigoma kuanzisha vituo kwa ajili ya uuzaji mazao au bidhaa zitokanazo na zao la michikichi.

Azimio hili limejadiliwa katika Baraza la Biashara lililofanyika Leo Novemba 26, 2025 katika ukumbi wa Kigoma Social Hall likiongozwa na Afisa Tawala Bi. Dorah Buzaire kwa niaba ya Mkuu wa Wilaya ya Kigoma.

Afisa Tawala huyo amesema vituo hivyo vitahusika na uuzaji wa mazao yatokanayo na mnyororo wa thamani wa zao hilo kama vile Mawese, Sabuni na chakula cha mifugo.

Amesema vituo hivyo vitasaidia kuinua zao  hilo ambalo ni la kimkakati Mkoani Kigoma ikiwa ni pamoja na upatikanaji wa masoko ya uhakika na kukuza uchumi wa Wakulima.

Mwenyekiti wa Chemba ya biashara Mkoa wa Kigoma(TCCIA) Ndugu. Obadia Kabuga katika baraza hilo amezitaka  tasisi  mbalimbali kuwalipa Wafanyabishara (Wazabuni) ambao wamekuwa wakitoa huduma katika miradi na maeneo  mbalimbali.

Zaidi bofya www.kigomaujijimc.go.tz