BARAZA LA MICHEZO TANZANIA (BMT) LA KUTANA NA VIONGOZI WA VILABU NA VYAMA VYA MICHEZO KIGOMA/UJIJI, games

Posted on: April 23rd, 2021

Na Mwandishi wetu

Viongozi wa vyama na vilabu  vya michezo Manispaa ya Kigoma/Ujiji leo April 23, wamekutana na uongozi wa Baraza la Michezo Tanzania (BMT) kwa lengo la kukuza na kuboresha michezo mbalimbali katika Manispaa hiyo

Afisa kutoka Baraza la Michezo Tanzania (BMT) Ndugu. Edson Ringo amewataka viongozi wa vilabu na vyama vya michezo kuheshimu katiba zao kwa kufanya uchaguzi wa viongozi mara kwa mara  kutokana na baadhi ya viongozi wa vyama na Vilabu kungangania madaraka

Aidha ameutaka uongozi wa mpira Mkoa wa Kigoma kutoruhusu vilabu visivyosajiliwa kushiriki mashindano mbalimbali ya michezo kwani kufanya hivyo ni kukiuka kanuni na taratibu huku akiwataka viongozi hao kusajili vilabu na vyama vyao mara moja

Afisa utamaduni na Michezo Manispaa ya Kigoma/Ujiji Ndugu. Abdul Utimbe amewataka viongozi hao kufanya kazi kwa ushirikiano kwa kuhakikisha wanafata sheria na kanuni za uendeshaji wa michezo huku akiwataka viongozi hao kuwa na utamaduni wa kuwasomea wanachama na wanamichezo taarifa mbalimbali za uendeshaji wa vilabu na vyama

Katibu wa Chama cha Mpira Mkoa wa Kigoma(KRFA) Ndugu. Omary Gindi amesema wao kama chama wamekuwa na utamaduni wa kutoa taarifa za chama kwa wanachama wao huku akiwataka baraza la Michezo Tanzania (BMT) kuvisaidia vilabu kwa kuleta mrejesho kutokana na fedha zinazokusanywa kutoka tozo za lango kipindi cha michezo mbalimbali