BIDHAA ZITOKANAZO NA TAKA ZA PLASTIKI Recycling

Posted on: March 17th, 2023

Na Mwandishi Wetu

Kampeni ya Usafi na Usafi imeendelea leo March 17, 2023 katika mwalo wa Kigodeko ambapo Wakazi wa Kata ya Kigoma wametakiwa kutumia  urejereshwaji wa taka zitokanazo na bidhaa za plastiki ili kujiongezea kipato

Ameyasema hayo Mtaalamu kutoka  Arena recycling industry Ndugu. Zagalo Emmanuel  ambapo amesema utupaji taka ovyo katika vyanzo  vya maji hasa plastiki ni hatari kwa mazalia ya Samaki na Samaki

Amesema jamii inapaswa kujifunza elimu rejereshi ili kutumia plastiki katika uzalishaji wa Bustani za majumbani, Maua, ufyatuaji tofali,Vigae  na Mapambo ili kutumika katika kujiajiri na katika kujiingizia kipato  

Amesema katika kuhakikisha kunakuwa na matumizi sahihi ya Plastiki iliyotumika wanatarajia kutoa mafunzo kwa Wakazi wa Manispaa ya Kigoma/Ujiji kwa lengo la kuwa na ujuzi katika kuhakikisha taka za plasitiki hazitupwi ovyo na kuleta athari katika Ziwa Tanganyika

Serikali imeanzisha kampeni mahususi ya kusafisha fukwe za maziwa makuu ya Tanganyika, Viktoria, na Nyasa kupitia kampeni ya ‘Fukwe safi -Ziwa Salama” yenye lengo la kusafisha na kuondoa taka hasa Plastiki  

Taka za plastiki zinapotupwa Ziwani haziozi badala yake huvunjika katika vipande vidogo vidogo ambavyo huweza kuleta athari hasi hasa  kwenye mazalia ya Samaki na samaki