"BILIONI MBILI KUONGEZWA UJENZI HOSPITALI YA MANISPAA YA KIGOMA UJIJI" WAZIRI OR-TAMISEMI , Health

Posted on: August 12th, 2024

Na Mwandishi Wetu

Waziri Ofisi ya Rais Tawala za Mikoa na Serikali za Mitaa Mhe. Mohamed Omary Mchengerwa amemuagiza Mkurugenzi wa afya OR- TAMISEMI kutoa kiasi cha  fedha za Kitanzian Bilioni mbili (Tsh 2, 000, 000, 000/=)  kwa ajili ya kuongeza  majengo kufikia kumi na sita (16) katika Hospitali ya Manispaa ya Kigoma Ujiji.

Kiongozi huyo ametoa maelekezo hayo Leo Agosti 12, 2024  baada ya kufanya ziara  ya kukagua ujenzi  unaoendelea ili kuhakikisha inakidhi vigezo na viwango vya Hospitali za Wilaya ikiwa ni pamoja na utoaji wa huduma mbalimbali za kibingwa.

Aidha amewataka Wakuu wa Mikoa, Wilaya na Wakurugenzi Nchini kuwasimamia Wahudumu wa afya ili kuhakikisha wanatoa Matibabu kwa Wananchi yaliyo bora ikiwa ni pamoja na kusikiliza na kutatua changamoto zao pamoja na Wanachi.  

Awali akitoa taarifa Mganga Mkuu wa Manispaa ya Kigoma Ujiji Dr. Hashim Mvogogo amesema awali Serikali Kuu  ilitoa fedha  kwa ajili ya Ujenzi wa Majengo matano (05)   kiasi cha fedha za Kitanzania Billion Moja na Million Mia tatu  (Tsh 1, 300, 000, 000/=) kwa ajili ya Ujenzi waJengo la Wagonjwa wa nje (OPD), Maabara, Jengo la Wazazi (Maternity Complex), Jengo la mionzi, na jengo la stoo ya dawa.

Aidha kiongozi huyo amefanya ziara ya kutembelea Ujenzi wa barabara ya Bangwe - Ujiji unaoendelea yenye urefu wa Km 7.01 kupitia mradi wa uboreshaji wa Miji Kimkakati (TACTICS) ambapo amesema mradi huo uko chini kwa utekelezaji ambapo uko asilimia 18% Badala ya kuwa asilimia Sitini (60%).

Kiongozi huyo ametoa miezi sita kuanzia sasa kuhakikisha Mkandarasi anakamilisha ujenzi wa barabara hiyo kwa kiwango cha Lami, Mitalo na Ufungaji wa taa.  

Zaidi bofya www.kigomaujijimc.go.tz