"BILLION TANO ZIMEJENGA MIUNDOMBINU YA ELIMU WILAYA YA KIGOMA" DC KIGOMA Educationa

Posted on: January 20th, 2023

Na Mwandishi Wetu

Mkuu wa Wilaya ya Kigoma Bi. Ester Alexander Mahawe Leo January 20, 2023 amesema Wilaya  anayoiongoza ilipokea kiasi cha fedha za Kitanzania Billion 5/=  kutoka Serikali Kuu kwa Mwaka 2022  kwa lengo la Ujenzi wa miundombinu ya shule

Ameyasema hayo katika kikao cha tathimini ya utekelezaji wa shughuli za uboreshaji na usimamizi wa elimu Mkoa wa Kigoma kilichoongozwa na Mkuu wa Mkoa wa Kigoma Mhe.  Thobias Adengenye

Katika kikao hicho amesema Wilaya ya Kigoma imetelekeza Ujenzi wa Shule Mpya za Sekodari tatu (03) kwa Kata ambazo awali hazikuwa na Shule za Sekondari kwa gharama ya fedha za Kitanzania Million 470/= kwa kila Shule kutokana na mradi wa Sequip na ujenzi wa vyumba vya madarasa  mia mbili na tatu (203)

Kwa Mwaka wa fedha 2022/2023 Manispaa ya Kigoma/Ujiji ilipokea kiasi cha fedha za Kitanzania Million 470/=  kutoka Serikali kuu kupitia mradi wa Sequip kwa lengo la ujenzi wa Shule mpya ya Sekondari ya Businde ambapo tayari imeanza kutumika

Aidha fedha zingine zilizopokelewa ni  kiasi cha fedha za Kitanzania Billion moja na milion mia moja arobaini na Sita (Tsh 1, 146, 000, 000/=)  kutoka Serikali  Kuu  kwa lengo la ujenzi wa vyumba vya Madarasa 57 kwa maandalizi na mapokezi ya Wanafunzi wa kidato cha kwanza kwa Mwaka 2023

Manispaa hiyo iliendelea kupokea fedha zilizotokana na makato ya miamala ya simu( Tozo) kiasi cha Tsh 37, 500, 000/= na kiasi cha fedha Tsh 100, 000, 000/= zilizotumika  katika ukamilishaji Maabara, Ukamilishaji wa maboma ya madarasa Tsh 200, 000, 000/= kwa Shule za Msingi na Sekondari  

Wilaya ya Kigoma inaundwa na Halmashauri mbili, Manispaa ya Kigoma/Ujiji na Halmashauri ya Wilaya ya Kigoma