CCM YARIDHISHWA NA UTEKELEAJI WA ILANI KIGOMA/UJIJI Project

Posted on: December 8th, 2023

Na Mwandishi Wetu

Kamati ya Siasa ya Chama cha Mapinduzi(CCM) Wilaya ya Kigoma Leo Desemba 08, 2023 imefanya ziara ya kutembelea miradi inayotekelezwa Manispaa ya Kigoma/Ujiji kwa lengo la kukagua utekelezaji wa Ilani ya Chama hicho.

Ziara hiyo imefanyika ikiongozwa na Mwenyekiti wa Chama Wilaya ya Kigoma Mhe. Ahmed Mwilima kwa kutembelea miradi ya Barabara, Elimu, Afya, Nishati, Maji na Bandari.

Katika kutembelea miradi hiyo Mwenyekiti wa Chama hicho amesema Chama cha Mapinduzi (CCM) kimetembelea, kukagua na kuridhishwa namna miradi mbalimbali inavyotekelezwa huku akiwataka wasimamizi wa miradi inayoendelea kukamilika kwa Wakati.

Miradi iliyotembelewa ni Pamoja na Ujenzi wa Hospitali ya Manispaa ya Kigoma/Ujiji unaoendelea Kata ya Kagera, Kutembelea kiwanda cha Uzalishaji umeme Jua, Kutembelea kiwanda cha usindikaji asali, Utekelezaji wa Mradi wa Maji uliokamilika Kata ya Businde, Ujenzi wa Nyumba mbili za Walimu Kata ya Businde,  Kukagua Kitalu cha uzalishaji miche ya Michikichi ya Kisasa eneo la Katosho, kutembelea Ujenzi uliokamilika wa Shule ya Msingi Mgunga iliyopo Kata ya Kibirizi, na Kukagua Ujenzi wa bandari ya Kibirizi unaoendelea.

Zaidi endelea kutembelea Tovuti www.kigomaujijimc.go.tz