"CHIKICHI NI FURSA, CHIKICHI NI MAENDELEO" ASEMA WAZIRI MKUU MAJALIWA Prime Minister

Posted on: February 26th, 2023

Na Mwandishi Wetu

Waziri Mkuu wa Jamhuri ya Muungano wa Tanzania Mhe. Kassim Majaliwa (Mb) ameagiza Viongozi wa Serikali na Kisiasa zao la Michikichi kuwa agenda yao ya Kudumu katika vikao, Mikutano na katika kuwahamasisha Wananchi

Ameyasema Leo February 26, 2023 katika kikao  cha Wadau wa zao la Michikichi kilichofanyika Ukumbi Wa NNSF uliopo Manispaa ya Kigoma/Ujiji kikihusisha Viongozi wa Serikali, Wanasiasa , taasisi,  wazalishaji wa mbegu za michichikichi, wamiliki wa viwanda vidogo vya kuchakata mazao na bidhaa za michikichi pamoja na wakulima wakubwa na wadogo wa zao hilo

Katika kikao hicho Waziri Mkuu amesema zao la Michikichi ni fursa kwa Wakulima na Wananchi waliopo Mkoani Kigoma kutokana na Serikali kuweka zao hilo kuwa miongozi mwa mazao ya Kimkakati Nchini    

Kiongozi huyo amesema Mkoa wa Kigoma unazalisha 80% ya Michikichi inayolimwa Nchini  na Kusema Serikali itaendelea kuwekeza katika kuinua zao hilo kwa lengo la kuinua maisha ya Wakulima, Wasindikizaji, Wafanyabiashara na Wamiliki wa Viwanda  

Kiongozi huyo amewataka Wakulima kulima zao hilo kwa  kupanda mbengu za Kisasa ambazo Miaka miwili tangu kupandwa huanda kuzaa matunda  

Amemuagiza Katibu Tawala wa Mkoa huo kusimamia Maafisa kilimo waliopo kupangiwa maeneo ya Kata na vijijini kwa lengo la kukaa karibu na Wakulima ili kuendelea kutoa elimu na kukagua mashamba ya wakulima

Aidha ameagiza Halmashauri kushirikiana na taasisi zingine zinazozalisha miche kwa kuzipatia fedha kwa lengo la kuzalisha na kugawiwa kwa Wakulima wa Halmashauri Husika bure

Amehitimisha kwa  kumtaka Mkuu wa Mkoa na Wakuu wa Wilaya kufuatilia  kwa karibu Miche ya michikichi wanayogawiwa Wakulima na kuweka mipango ya elimu na kufanya vikao vya mara kwa mara ya tathimini ya zao hilo  

Naibu Waziri Wa Kilimo Mhe.  Antony Mavunde amesema katika kuinua zao la Michikichi Mkoani Kigoma tayari Serikali imetenga fedha za kwa ajili ya Ujenzi wa maabara ya Utafiti,  Ofisi na nyumba za Watumishi katika kituo cha Utafiti wa zao la Michikichi Kihinga    

Amesema katika kukuza zao la Michikichi Serikali inatarajia kuweka ruzuku ili kurahisisha upatikanaji wa miche ya kisasa kirahisi na kwa wakati ili kuokoa kiasi cha fedha kinachotumika kuagiza mafuta ya kula Nje ya Nchi huku akiwashauri wakulima Kujikita katika mashamba Makubwa na ya pamoja

Nchini Tanzania kwa sasa Mahitaji ya Mafuta ya Kula ni zaidi ya Tani 650, 000 huku uzalishaji unakakadiriwa kuwa tani 290, 000 na kiasi cha tani   360, 000 sawa na 55% huagizwa kutoka Nje ya Nchi na kugharimu Serikali kiasi cha fedha za Kitanzania Billion 470 kila Mwaka