DC KALI AWEKA MAWE YA MSINGI UJENZI WA OFISI ZA KATA KIGOMA/UJIJI . Construction

Posted on: August 19th, 2023

Na Mwandishi Wetu

Mkuu wa Wilaya ya Kigoma Ndugu. Salum Hamis Kali Leo Agosti 19, 2023 ameweka Mawe ya Msingi katika Ujenzi unaoendelea wa  ofisi za Kata ya Mwanga Kusini na Majengo kwa mapato ya ndani

Akiweka Mawe ya Msingi amesema anaridhishwa kwa  namna ambavyo Manispaa imeendelea kutekeleza ujenzi wa Ofisi za Kata kwa kujenga majengo ya kisasa ili kuwahudumia Wananchi katika mazingira yanayovutia

Awali akiwasilisha Taarifa Mkurugenzi wa Manispaa ya Kigoma/Ujiji Bi. Mwantum Mgonja Amesema Manispaa  hiyo imeendelea kutekeleza  Ujenzi wa Miradi ya Maendeleo kwa mapato ya ndani ikiwemo Ujenzi wa Vituo vya kutolea huduma za afya na  ofisi za Kata ambazo awali hazikuwa na Majengo ya kisasa

Amesema tayari Kata ya Buhanda, Majengo, Mwanga Kusini, na Kata ya Katubuka zimetekeleza ujenzi wa  Majengo ya Ofisi  za Kata kisasa huku  Kata nne (04) ambazo hazina majengo ya Kisasa kati ya Kata 19  bajeti zikiwa zimeandaliwa

Amehitimisha kwa kusema kukamilika kwa ujenzi huo kutaboresha na kuongeza ufanisi wa utendaji kazi na kutoa huduma bora kwa Wananchi ngazi za Kata na Mitaa  

Zaidi bofya www.kigomaujijimc.go.tz