DC KIGOMA AFANYA ZIARA MIRADI YA BOOST KIGOMA/UJIJI District Commisioner

Posted on: June 22nd, 2023

Na Mwandishi Wetu

Mkuu wa Wilaya ya Kigoma Ndugu. Salum Hamis Kali Leo June 22, 2023 amefanya ziara ya kutembelea na kukagua ujenzi wa miundombinu kwa shule za msingi kupitia mradi wa BOOST wenye thamani ya fedha zaidi ya billion moja (Tsh 1, 467, 200,000/=) inayotekelezwa Manispaa ya Kigoma/Ujiji

Kiongozi huyo amefanya ziara hiyo   akiambatana na Wajumbe wa kamati ya ulinzi na usalama Wilaya huku wakiridhishwa  na kupongeza namna ujenzi wa miundombinu ya madarasa inavyotekelezwa

Mkuu wa Wilaya ameitaka ofisi ya Mkurugenzi kuhakikisha wanasimamia thamani ya mradi na kukamilisha   kwa wakati

Ujenzi huu unahusisha ujenzi wa Shule tatu (03) mpya unaoendelea kujengwa   kwa gharama ya Tsh 922,600,000/=, Ujenzi wa Madarasa kumi na sita (16) kwa gharama ya Tsh   416,000,000/=, Ujenzi wa madarasa 2 ya elimu ya awali ya mfano kwa gharama ya Tsh 71,800,000/=, Ujenzi wa darasa 1 la elimu maalumu Tsh 26,000,000/=, na Ujenzi wa matundu kumi na nne (14) ya vyoo kwa gharama ya Tsh 30,800,00/=

Shule zinazotekeleza mradi huu ni pamoja  na Ujenzi wa Shule mpya Kiheba iliyopo Kibirizi kwa gharama ya Tsh 561,100,000/= na Ujenzi wa Shule mpya ya Kibirizi kwa gharama ya Tsh 361,500,000/=

Ujenzi wa madarasa manne (04) Shule ya Msingi Katubuka kwa gharama ya Tsh 104,000,000/=, Ujenzi wa darasa moja (01) la Wanafunzi wenye Mahitaji maalumu kwa gharama ya Tsh  26,000,000/= na ujenzi wa Matundu matatu (03) ya vyoo  kwa gharama ya Tsh 6,600,000/=

Shule ya Msingi Kabingo inatekeleza ujenzi wa madarasa manne (04) kwa gharama ya Tsh 104,000,000/=, na Ujenzi wa matundu manne (04) ya vyoo kwa gharama ya Tsh    8,800,000/=,

Aidha Shule ya Msingi Kipampa inaendelea na ujenzi wa madarasa manne (04) kwa gharama ya Tsh 104,000,000/=, na Ujenzi wa matundu matatu (03) ya Vyoo kwa gharama ya Tsh  6,600,000/=

Pia, Shule ya Msingi Butunga inatekeleza ujenzi wa  madarasa manne (04) kwa gharama ya Tsh 104,000,000/=, Ujenzi wa madarasa mawili (02) ya awali ya Mfano kwa gharama ya Tsh   71,800,000/=, na Ujenzi wa matundu manne (04) ya vyoo kwa gharama ya Tsh  8,800,000/=

Endelea kutufuatilia kupitia mitandao yetu ya kijamii na tovuti kwa kubofya www.kigomaujijimc.go.tz