DC KIGOMA AKABIDHI VIFAA VYA MAABARA KWA SHULE ZA SEKONDARI. Education sector

Posted on: April 29th, 2025

Mkuu wa Wilaya ya Kigoma Dr. Rashid Chuachua amepokea Vifaa vya maabara za Sayansi kutoka  Shirika la Watoto Duniani (UNICEF)  na baadae kukabidhi kwa Wakuu wa Shule za Sekondari Manispaa ya Kigoma/Ujiji.

Kiongozi huyo amepokea Vifaa hivyo vya Shule 95 za  Mkoa wa Kigoma kwa niaba ya Mkuu wa Mkoa vikigharimu kiasi cha fedha zaidi ya Billion moja na million Mia mbili.

Mara baada ya kupokea vifaa hivyo, Kiongozi huyo amekabidhi kwa Wakuu wa Shule za Sekondari 11 za Manispaa ya Kigoma/Ujiji ambazo ni Shule ya Sekondari Kigoma, Businde, Masanga, Buronge, Kitwe, Buteko, Katubuka, Mwananchi, Kichangachui, Kasimbu na Buzebazeba.

Vifaa hivyo vitasaidia kurahisisha ujifunzaji na ufundishaji kwa masomo ya Sayansi na kukuza viwango vya ufaulu katika masomo ya  Fizikia,Kemia , Biologia na Hisabati.  

Zaidi bofya www.kigomaujijimc.go.tz