DC KIGOMA AONYA MASHIRIKA YASIYO YA KISERIKALI Non-Government organization

Posted on: May 30th, 2023

Na Mwandishi Wetu  

Mkuu wa Wilaya ya Kigoma Ndugu. Salum  Kali  Leo May 30, 2023 amewataka Viongozi wa Mashirika yasiyo ya Kiserikali kutopokea misaada yenye masharti ya kupotosha maadili ya Kitanzania  ili kutekeleza Majukumu yao

Ameyasema hayo katika kikao cha Mwaka cha Mashirika yasiyo ya Kiserikali yanayotekeleza Majukumu yake Manispaa ya Kigoma/Ujiji  kilichofanyikia Ukumbi wa Joy in the Harvest

Ameyataka Mashirika kutoa elimu ya malezi yaliyosahihi kwa jamii ili kuwa na watu wenye maadili ya Kitanzania  

Aidha ameyataka Mashirika kuwasilisha taarifa ya utekelezaji wa Shughuli zao kila robo ofisi kwa lengo la kufuatilia shughuli zinazotekelezwa  na vyanzo vya mapato  

Awali Mratibu wa Mashirika yasiyo ya Kiserikali Manispaa ya Kigoma/Ujiji Bi. Austina Hwago  Akisoma taarifa Amesema Manispaa ya Kigoma/Ujiji ina jumla ya Mashirika yasiyokuwa ya Kiserikali hamsini na nne (54) ambapo kwa Mwaka 2022/2023 yametumia kiasi cha Tsh 462, 700, 750/= huku zaidi ya Wakazi 12, 958 wakinufaika na miradi mbalimbali

Katika kikao hicho Viongozi hao wamepatiwa mafunzo ya elimu ya ulipaji kodi na misamaha kwenye taasisi za kiraia pamoja huku baadhi ya Mashirika yakipokea vyeti vya pongezi kwa namna wanavyotekeleza majukumu yao