DC KIGOMA ATETA NA WAKUU WA TAASISI, AHIMIZA UWAJIBIKAJI Distric

Posted on: March 1st, 2023

Na Mwandishi Wetu

Mkuu wa Wilaya ya Kigoma Ndugu. Salumu Kali Jana February 28, 2023 alifanya kikao na Wakuu wa taasisi za Umma zilizopo Wilayani humo huku akiwataka kuongeza uwajibikaji katika utoaji wa huduma za Jamii

Kikao hicho kilifanyikia Kigoma Social Hall kikiwa na lengo la kuweka mkakati wa utekelezaji wa shughuli za miradi ya maendeleo na utoaji huduma za jamii kwa Wananchi

Katika kikao hicho huyo wa Mkuu wa Wilaya aliwataka Wakuu wa taasisi kusimamia miradi ya maendeleo kikamilifu ikiwa ni pamoja na Ushiriki wa Wananchi  

Mkuu huyo wa Wilaya alizitaka taasisi zote kuweka mikakati ya usimamiaji wa upandaji wa zao la Michikichi, uwekezaji wa viwanda na kuinua uchumi kwa Wakulima kupitia zao hilo la kimkakati

Mkuu wa Wilaya alisema anatarajia kufanya ziara wiki ijayo  kutembelea miradi na kufanya mikutano ya Wananchi kwa Kata zote  za Wilaya ya Kigoma pamoja na vijiji

Kikao hicho pia kilihudhuriwa na Wakuu wa idara na Vitengo kutoka Manispaa ya Kigoma/Ujiji pamoja na Halmashauri ya Wilaya ya Kigoma