DC KIGOMA ATETA NA WENYEVITI WA MITAA, AHIMIZA AGENDA YA USALAMA security

Posted on: February 16th, 2023

Na Mwandishi Wetu

 Mkuu wa Wilaya ya Kigoma Ndugu. Salum Hamisi Kali amewataka Wenyeviti wa Serikali Za Mitaa kusimamia usalama katika maeneo yao ya utawala kwa kushirikiana na kamati za usalama Kata na Wilaya

Ameyasema hayo Leo February 16, 2023 alipokutana na Wenyeviti hao ikiwa ni Mara ya Kwanza Mara baada ya kuanza kazi katika Wilaya hiyo

Kiongozi huyo amesema suala la Usalama wa mitaa inapaswa kuwa  agenda ya kudumu katika vikao vyao na katika mikutano ya Wananchi  

Amewataka viongozi hao kwa kushirikiana na Wananchi  kubaini wanaofanya vitendo vya uharifu katika maeneo yao na wahamiaji haramu na kutoa taarifa katika vyombo vya usalama    

Aidha amewataka viongozi hao kusimamia na kuhamasisha Wananchi kushiriki usafi wa mji katika maeneo yao ikiwa ni pamoja na  kusimamia na ukaguzi wa miradi ya maendeleo inayotekelezwa katika maeneo yao ya Utawala  

Naye Mwenyekiti wa Mtaa wa Kasulu uliopo Kata ya Kasingirima Ndugu. Mlekwa Mfaume amempongeza  Mkuu huyo wa Wilaya kwa kufanya kikao na Wenyeviti hao wa Serikali za Mitaa huku akisema wataendelea kushirikiana na Serikali katika kusimamia miradi ya maendeleo,  usalama wa Wananchi na kuhamasisha usafi wa mji

Manispaa ya Kigoma/Ujiji ina jumla ya Kata kumi na tisa (19) na jumla ya Mitaa sitini na nane(68)