DC KIGOMA AWATAKA MADIWANI KIGOMA/UJIJI KUSISITIZA MAADILI YA KITANZANIA Distric Commisioner

Posted on: April 13th, 2023

Na Mwandishi Wetu

Mkuu wa Wilaya ya Kigoma Mhe. Salum Hamis Kali  amewataka  Madiwani wa Manispaa ya Kigoma/Ujiji kuendelea kuielimisha jamii kwa kushirikiana na Wataalamu ili kupinga vitendo vya ukatili na unyanyasaji

Ameyasema hayo Leo April 13, 2023 wakati akihutubia Mkutano wa Baraza la Madiwani la Manispaa hiyo ambapo pia ameshauri Baraza hilo kutunga sheria ndogo zitakazosaidia kupambana na vitendo vya ukatili na kuwa na jamii inayozingatia maadili na utamaduni wa Kitanzania  

Amewataka Waheshimiwa Madiwani kwa kushirikiana na Wananchi kupinga viashiria na vitendo vya ukatili kwa kutoa taarifa kwa wakati katika mamlaka zinazohusika na  hatua za kisheria kuchukuliwa  

Aidha amemtaka Mkurugenzi wa Manispaa hiyo kufuatilia Vituo vya malezi, Taasisi, na Mashirika yasiyo ya Serikali yaliyosajiriwa katika Halmashauri hiyo ili kujiridhisha  na shughuli zinazotekelezwa

Aidha amewataka Madiwani hao kuendelea kusimamia miradi ya maendeleo inayotekelezwa katika Kata mbalimbali za Manispaa hiyo kwa lengo la kuwanufaisha Wananchi

Amehitimisha kwa kuwataka kuendelea kuhamasisha na kutoa elimu kwa Wananchi  kujikita katika kulima zao la Kimkakati Michikichi ya kisasa ili kukuza uchumi wa jamii na mtu moja moja

Zaidi www.kigomaujijimc.go.tz